Qashqadaryo hokimi viloyatda elektr ta’minoti soatlab rejasiz uzilayotgani ustidan Abdulla Aripovga shikoyat qildi. Bosh vazir vaziyat ikki kunda o‘nglanishiga va’da berdi

Qashqadaryo viloyati hokimi Zoir Mirzayev bosh vazir Abdulla Aripovga murojaat qilib, viloyatda elektr energiyasi bilan bog‘liq vaziyat yomonligi, ayrim tumanlar elektr ta’minotida 8-12 soatgacha uzilish bo‘layotganligini ma’lum qildi, deya xabar bermoqda viloyat hokimligi axborot xizmati.

21-dekabr kuni bosh vazir Abdulla Aripov rahbarligida iqtisodiyot tarmoqlari, ko‘p kvartirali turar joylar, ijtimoiy soha obyektlarini qish mavsumiga tayyorlash va mavjud muammolarni bartaraf etishga bag‘ishlangan yig‘ilish bo‘lib o‘tgan. Yig‘ilishda Qashqadaryo hokimi Zoir Mirzayev viloyat aholisini qiynab kelayotgan muammo bo‘yicha ma’lumot bergan.

“Viloyatimizning G‘uzor, Chiroqchi, Qamashi, Shahrisabz va Kitob tumanlarida elektr energiyasi ta’minotida 8—12 soatgacha rejasiz uzilishlar kuzatilmoqda. Natijada aholi tomonidan haqli e’tiroz va noroziliklar ko‘paymoqda. Sababi ushbu hududlarda ko‘pchilik aholi tog‘li va qishloq joylarda yashaydi”, — degan Zoir Mirzayev.

Avvalroq Qashqadaryoning nafaqat tumanlari, balki ma’muriy markazi hisoblangan Qarshi shahrida ham elektr ta’minotida olti soatlab uzilishlar bo‘layotgani haqida xabar berilgan edi.