Isroil hukumati xorijliklarning mamlakatga kirishini taqiqlashga qaror qildi. Bu haqda mamlakat bosh vaziri Binyamin Netanyaxu ma’lum qildi, deb yozmoqda Meduza.
Vatanga qaytayotgan Isroil fuqarolari maxsus ajratilgan mehmonxonalarda 14 kunlik karantinni o‘tashi kerak bo‘ladi.
Netanyaxuning tushuntirishicha, hukumatning mazkur qarori koronavirusning Buyuk Britaniya va boshqa bir qator davlatlarda aniqlangan va yuqumliligi 70 foizga yuqori bo‘lgan shtammi sababli qabul qilingan.
Yangi cheklovlar 23-dekabrdan kuchga kiradi va 10 kun amal qiladi.
Avvalroq Buyuk Britaniya va yana bir qator mamlakatlarda koronavirusning yangi varianti aniqlangani, Yevropada aviaqatnovlarni cheklash boshlangani haqida xabar berilgandi. Shuningdek, Saudiya Arabistoni ham koronavirusning yangi shtammi tufayli chegaralarni yopdi.
Koronavirusning yangi shtammi Buyuk Britaniyada sentabrda paydo bo‘lgan bo‘lishi mumkin, ammo noyabr o‘rtalarida faol tarqalishni boshlagan.
Izoh (0)