“Brayton” yarim himoyachisi Iv Bissuma Madridning “Real” klubi qiziqishlariga sabab bo‘lmoqda.
Defensa Central nashrining xabar qilishicha, madridliklar klubining skautlari 24 yoshli futbolchining harakatlarini yaxshi baholagan.
Malilik yarim himoyachi “Real” ustozi Zinedin Zidanga ham ma’qul kelgan. U Pol Pogba (“Manchester Yunayted”) va Eduardo Kamavinga (“Renn”) o‘rniga arzonroq alternativ variant bo‘lishi mumkin.
Daily Express’ning xabariga ko‘ra, Bissumaga “Manchester Yunayted”dan ham qiziqish bor. Jamoa unga yozda ketishini kutilayotgan Pogbaning o‘rinbosari sifatida qaramoqda. Buning ustiga ushbu transferni “qizil iblislar” ustozi Ole-Gunnar Sulsher ham xohlamoqda.
Avvalroq futbolchiga “Liverpul” va “Arsenal”dan qiziqish bo‘lgani xabar qilingandi.
“Brayton” Bisummani 2018-yilning yozida 17 million yevro evaziga “Lill”dan sotib olgan. Uning klub bilan shartnomasi 2023-yilning yoziga qadar mo‘ljallangan. Klub futbolchi uchun 35—40 million yevro atrofida pul so‘rashi taxmin qilinmoqda.
Bisumma Premyer Liga joriy mavsumida 13 o‘yin o‘tkazib, bitta gol urdi, shuningdek, to‘rtta sariq va bitta qizil kartochka ishlab oldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)