Instagram jamoasi yangi Apple smartfonlari — iPhone 12 va iPhone 12 Pro Max uchun eksklyuziv funksiya ishga tushirilganini e’lon qildi, deb xabar beradi IXBT.
Gap Instagram’da paydo bo‘lgan yangi ProRAW haqida bo‘lib, u iPhone 12 bilan bir vaqtda taqdim etilgan va hozircha uni faqat iPhone 12 Pro va iPhone 12 Pro Max qo‘llab-quvvatlamoqda.
Umuman olganda Instagram’da ProRAW’ni qo‘llab-quvvatlash cheklangan. Instagram’da iOS uchun mas’ul bo‘lgan Tim Jonsenning aniqlik kiritishicha, DNG formatidagi suratlarni oldingidek Instagram’da tahrirlab bo‘lmaydi. Aftidan, Instagram ProRAW’ni faqatgina JPG konvertatsiya qiladi.
iPhone 12 Pro foydalanuvchilari ProRAW formatida suratlarni boshqa vositalar yordamida tahrirlay oladi, shundan so‘ng, Instagram zaruratsiz mustaqil ravishda suratni JPG’ga aylantiradi. Bundan tashqari, ProRAW fayllar katta o‘lchamga ega, 25 megabaytga yaqin, Instagram esa ularning hajmini kichraytiradi.
Apple’ning va’da qilishicha, yangi ProRAW formatini qo‘llab-quvvatlash fotosuratlarni yaxshiroq tahrirlash imkonini beradi. Dasturchilarning so‘zlariga ko‘ra, format Apple tomonidan yaratilgan multikadrli suratga olish texnologiyasini, suratni hisoblash imkoniyati va RAW formati qulayliklarini o‘zida mujassam etadi. Foydalanuvchilar rangni, detallar darajasi va dinamik diapazonni boshqara oladi.
Avvalroq iPhone 12 egalari smartfon ekrani blokda bo‘lganda ham akkumulyator sarfi ko‘pligidan shikoyat qilayotgani to‘g‘risida xabar berilgandi.
Izoh (0)