LG Rollable “rulon-smartfoni”ning narxi oshkor bo‘ldi

Internetda LG kompaniyasi tomonidan yaratilgan noodatiy ekranga ega noyob smartfonga oid qo‘shimcha ma’lumotlar paydo bo‘ldi, deb yozadi Hi-Tech.Mail.ru.

Tarqalgan ma’lumotlarga ko‘ra, yangi modelga 7,4 dyuymgacha uzaytirish mumkin bo‘lgan 6,8 dyuymli displey o‘rnatiladi. Shuningdek, smartfon uchta rejimga ega bo‘lishi aytilmoqda. Yig‘ilgan holatda tomonlar nisbati 20:9 bo‘lib, unda piksellar soni 2428x1080 ni tashkil etadi, faol foydalanish holatida esa tomonlar nisbati 3:2 bo‘lib, piksellari — 2428x1600. Video tomosha qilish rejimida 16:9 formatda piksellar nisbati 2428x1366 bo‘ladi.

Smartfonga “cheksiz” ishchanlikka ega Snapdragon 888 chipini o‘rnatish taklif qilinmoqda. U Qualcomm’ning 5 nanometrli texprotsessor bazasidagi birinchi protsessoriga aylanadi. Shuningdek, LG Rollable 16 gigabayt tezkor xotira va 4200 mA/soatlik akkumulyatorga ega bo‘ladi.

Tarqalgan ma’lumotlarda qayd etilishicha, yangi model 2021-yilning mart oyida taqdim etiladi. Biroq belgilangan sana o‘zgarib qolishi mumkin.

Manbalarning ta’kidlashicha, LG Rollable 2359 dollar qiymatida sotuvga chiqadi.

Eslatib o‘tamiz, LG’da hozirgi kunda displeyni truba shaklida o‘rash imkonini beradigan texnologiya mavjud. Faqat undan smartfonlarda emas, balki televizorlarda foydalanilmoqda — LG Signature OLED TV 88 ming dollar narxida sotuvga chiqqan.