Tashkent City xalqaro ishbilarmonlik direksiyasi rahbari Bahrom Rizayev jurnalistlarning bog‘ga kirish nima uchun pullik bo‘lgani haqidagi savollariga javob berdi.
Eslatib o‘tamiz, 17-dekabrdan boshlab Tashkent City bog‘iga bayram arafasi va Yangi yil kunlarida kirish pullik etib belgilandi. Bayram chiptalari narxi 5 yoshgacha bo‘lgan bolalarga — bepul, 5 yoshdan 12 yoshgacha bo‘lgan bolalar uchun — 5 000 so‘m, 12 yoshdan kattalar uchun — 10 000 so‘m, pensionerlarga — 5 000 so‘m (guvohnoma mavjud bo‘lgan taqdirda), nogironligi bo‘lgan shaxslarga — bepul (guvohnoma mavjud bo‘lgan taqdirda), yengil avtomobilda kirish — 20 000 so‘m (yo‘lovchilarni hisobga olgan holda) etib belgilangan.
Park Tashkent City ishbilarmonlik markazi hududida joylashgan. Bu park nafaqat markaz ishchilariga, balki, boshqa oddiy aholi vakillariga ham mo‘ljallangan. Xabaringiz bor, bog‘imiz ishga tushganiga bir yil bo‘ldi. Shu bir yil ichida biz hech qanday moddiy tarafdan foyda ko‘rmadik. Lekin biz ham bir tashkilotmiz.Bahrom Rizayev “Agar jamoatchilikning salbiy e’tirozlariga sabab bo‘lsa, keyin pullik rejim bekor qilinadimi?” degan savolga aniq bir javob bermadi.Biz shu paytgacha davlat budjetidan ham, xalqdan ham pul olmadik. Biz xarajatlarimizni o‘zimiz qoplashimiz kerak. Hozirgi kunda oyiga o‘rtacha 900 million so‘m xarajat qilamiz. To‘g‘ri, parkning ichida ma’lum bir kafe va restoranlar ijara haqi to‘lashi mumkin, lekin bu mablag‘ xarajatimizning 30 foizini qoplaydi xolos. Shuning uchun qolgan 70 foizi qoplanmay kelayotgandi. Parkimizni obodonlashtirishga va faoliyatini yurg‘izishga mablag‘ kerak.
Bundan tashqari, mana Yangi yil arafasida turli xil namoyishlar, ko‘ngilochar dasturlar qilishimiz kerak. Buning hammasi qo‘shimcha mablag‘ga borib taqaladi. Tushgan mablag‘lar shu kabi jarayonlarga sarflanadi.
Tashkent City bog‘iga kirishni pullik qilish bo‘yicha qaror Toshkent shahar hokimligi bilan kelishilgan, deb ayta olmayman. Lekin bu ishimiz orqali davlat budjetiga murojaat qilmasdan, faqat dam oluvchilar uchun to‘lov amaliyotini joriy qilmoqchimiz.
Bundan tashqari Toshkentda ko‘plab bog‘lar bor. Shu bog‘lar ham pullik qilingan. O‘zimizning faoliyatimizdan kelib chiqqan holda parkni rivojlantirish uchun hozircha to‘lovli kirishni tashkil etganmiz. Hozircha pullik rejimni bir oyga rejalashtirganmiz. Keyingi natijalarga qarab biror-bir xulosaga kelamiz.
Har bitta mashinani “parkovka” qilish uchun 20 ming so‘m olinadi. Bunda mashina ichidagi odamlar alohida pul berishadi. Pensionerlar, nafaqaxo‘rlar va nogironlardan kirish uchun pul undirilmaydi”
Bahrom Rizayev, Tashkent City xalqaro ishbilarmonlik direksiyasi rahbari
Ma’lumot uchun, 2019-yilning oktabr oyida Jahongir Ortiqxo‘jayev Tashkent City ochilishi munosabati bilan qilgan videomurojaatida “Bu — xalqimiz uchun. Bu joy — millatimiz uchun. Ilohim, millatimizga ushbu yaxshi joy buyursin! Xalqimiz kelib yayrasin! Farzandlari bilan o‘ynab kulsin! Hammasi xalqimiz, O‘zbekiston xalqi uchun va aziz, mehribon millatimiz uchun!”, – degan edi.
Izoh (0)