Amerikalik blogerlar YouTube’dagi Judahs Garage kanali orqali avtomobilni ta’mirlashning noodatiy usuli bilan bo‘lishdi. Rolik mualliflari Chevrolet Corvette C8’ning shikast yetgan eshigini “Doshirak”ka o‘xshash lag‘mon yordamida qayta tiklagan.
Blogerlar ta’mirlash jarayoni uchun asosiy material sifatida tezda tayyor bo‘ladigan qadoqlangan quruq lag‘mondan foydalangan. Elementlarni o‘zaro yopishtirish uchun video mualliflari termoyelimdan foydalangan, shuningdek, kerakli rangdagi aerozol balloni yordamida bo‘yash ishlarini amalga oshirgan.
Chevrolet Corvette’ning shikast yetgan joyini qayta tiklash juda oson kechgan. Blogerlar “Doshirak” briketlarini termik yelim yordamida sportkarning kerakli joyiga yopishtirgan. Bo‘rtib chiqib turgan quruq makaronlar pichoq yordamida kesib tashlangan va uning izlari silliqlangan hamda bo‘yoq sepilgan.
Noodatiy ta’mirlash ishlari natijasida blogerlar tezkor tayyorlanuvchi lapsha yordamida istalgan narsani yamash mumkin degan xulosaga kelgan. Bundan tashqari, bu kabi material erkaklarga 1,5 ming dollarga yaqin mablag‘ni tejash imkonini beradi.
Izoh (0)