Keksayganidan so‘ng shuhrat qozongan Bollivud aktrisalarining yoshligidagi ko‘rinishi (foto)

Bollivudning mashhur onalariga aylangan aktrisalar yoshligidanoq kino olamiga qadam qo‘ygan. Ammo ularni ko‘pchilik yoshlikdagi rollari bilan emas, aynan ona obrazida yaxshi taniydi.

Nirupa Roy

Nirupa Bollivudning eng mashhur onasi, deb tan olingan. O‘tgan asrning 70-yillarida u ko‘plab asosiy qahramonlarni “tarbiyalagan”, ayniqsa, Amitabh Bachchan va Shashi Kapurning onasi sifatida yodda qolgan. Shuningdek, unga kambag‘al va mazluma ayol qiyofasi juda mos tushgan. Uning ishtirokidagi “Amar, Akbar, Antoni”, “Devor”, “Ona”, “Oilaviy baxt”, “Taqdir egasi” kabi filmlar ham muvaffaqiyat qozongan.

Nirupaning aktrisalik faoliyati juda erta – 15 yoshligida boshlangan. U “Amar Raj” filmida ilk debyutini ijro etgan. 22 yoshida esa Bimal Royning dunyoga mashhur “Yerning ikki bighasi” filmida suratga tushgan va bir necha mukofotlarga sazovor bo‘lgan.

Farida Jalol

Shohrux Xon va Kajolning onasiga aylangan Farida Jalolni “O‘g‘irlanmagan kelin”, “Hayotda hamma narsa bo‘ladi”, “Gohi shodlik, gohi g‘am” kabi filmlar orqali barchaga tanish. Ammo mahoratli aktrisa yoshligida ko‘proq ikkinchi darajali rollarni ijro etgan. Uning esda qolarli obrazlari “Bobbi” va “Sadoqat” filmlaridagi ijrosidir.

Kirron Kxer

Kirron Kxer o‘zining tabassumi bilan hind kino olamida xushchaqchaq ona obrazini talqin etgan. Uning “Devdas”, “Om Shanti, Om”, “Vir va Zara”, “Ko‘r muhabbat” filmlaridagi ijrosini sevmaslikning iloji yo‘q.

Afsuski, uning yoshligidagi kino sohasida o‘z o‘rnini egallashga bo‘lgan urinishlari behuda bo‘lgan. U kinolarda faqat kichik rollarni ijro etgan bo‘lsa-da, teatrda eng talabgir aktrisalaridan biri edi. Aktrisa 50 yoshdan keyingina kino olamida mashhurlikka erishgan.

Rima Lagu

2017-yilda, afsuski, Bollivud bir mehribon onasidan ayrilgan. Rima filmlarda ham xuddi hayotdagi kabi beg‘ubor va mehr-muhabbatga to‘lgan ona rolini ijro etib kelgan. Uning ishtirokidagi “Sevib qolganman”, “Siz uchun kimman?”, “Hayotda hamma narsa bo‘ladi?”, “Bizni ajratib bo‘lmaydi” kabi filmlar mashhurlikka erishgan.

Rimaning aktyorlik faoliyati bolaligidan onasining ta’sirida boshlangan va maratxa tilida so‘zlashuvchi aktrisa sifatida tanilgan.

Raxi Gulzar

Yangi avlod Raxini “Karan Arjun” filmidagi taniqli ijrosi bilangina eslaydi. Biroq Rani ham mashhur qahramonlarga onalik qilgan hind aktrisalaridan biri bo‘lgan. Juda ham go‘zal bo‘lgan aktrisa 20 yoshidan Bengal filmlarida rol ijro eta boshlagan. Raxini “Parchalangan hayot” , “Sodda qiz” va “Reshma va Shera” filmlarida betakror obrazlarda ko‘rish mumkin.

Ratna Patxak Shah

Aktyor Nasiruddin Shahning rafiqasi Ratna hind filmlarida yangi avlod onasi sifatida tanilgan. Ratna kulrang sochlari bilan unutilmas ko‘rinishga ega ayol. Aktrisa 26 yoshdan buyon filmlarda rol ijro etsa-da, u haqida ma’lumotlar kam. 1983-yilda “Bozor maydoni” filmida ilk debyutini ijro etgan.

Durga Xote

Durga “Bobbi” filmida Bobbining buvisi va mashhur enaga Raja roli bilan tanilgan. U karyerasini 26 yoshida, ikki bolasi bilan beva qolganida boshlagan. Shundan so‘ng oilasini boqish uchun aktrisa sifatida ish boshlashga qaror qilgan. O‘sha davrda ayol obrazlarini ham erkaklar ijro etganligi tufayli Dura Bollivudning birinchi ayol aktrisalaridan biriga aylangan.