Bugun,

  • USD 11095.31
  • RUB 173.84
  • EUR 10772.44

Xalq ta’limi vazirligi ijtimoiy tarmoqlarda tarqalgan sinf xonasida o‘qituvchisining oldida pirotexnika vositasini portlatgan o‘quvchining tasviri aks etgan videoga izoh berdi.

Kadr: Telegram

Kadr: Telegram

Ma’lum bo‘lishicha, sinfda pirotexnika vositasini portlatgan o‘quvchi Farg‘ona viloyati Bog‘dod tumanidagi 15-umumiy o‘rta ta’lim maktabining 11-sinfida tahsil oladi.

Ishchi guruh tomonidan mazkur holat o‘rganilgan.

Maktabning ona tili va adabiyot fani o‘qituvchisi birinchi navbat to‘rtinchi soatdan keyingi tanaffus paytida maktabning 11-sinf o‘quvchilarining tinchligini saqlash maqsadida xonaga kirgan, o‘quvchilarni tartibga chaqirib, shu sinf o‘quvchisi J.Sh.ga xonadagi parta stullarni to‘g‘irlashni buyurgan. J.Sh. o‘qituvchining tanbehidan noto‘g‘ri xulosa chiqarib, pirotexnika vositasini yoqib yuborgan. Ushbu holatni shu sinf o‘quvchilari A.Q. va N.S. videoga olib o‘zining TikTok’dagi shaxsiy profiliga joylagan.

Voqea yuzasidan shu kunning o‘zidayoq jamoatchilik va huquq tartibot organi xodimlari hamkorligida o‘rganish ishlari olib borilib, o‘quvchilarning ota-onalariga Ma’muriy javobgarlik to‘g‘risida kodeksning 47-moddasi 1-qismida nazarda tutilgan ma’muriy huquqbuzarlikni sodir etgan deb hisoblanib, bazaviy hisoblashning 2 baravari miqdorida, ya’ni 446 ming so‘m miqdorida jarima qo‘llanilgan.

O‘quvchilar bir yil muddatga tuman IIBda profilaktik ishlar olib borish uchun ro‘yxatga olindi.

Xalq ta’limi vazirligi

Vazirlik bu kabi holatlar ayanchli oqibatlarga olib kelmasligi uchun ota-onalardan farzand tarbiyasiga mas’uliyat bilan qarashga chaqirgan.

Avvalroq Yunusobodda 10 yoshli bola pirotexnika o‘ynab, ko‘zini kuydirib olgani to‘g‘risida xabar berilgandi.

Izoh
Asosiy yangiliklar
Dunyo
Tramp AQSH konstitutsiyasini bekor qilishga chaqirdi
Maslahatlar
Saratonga qarshi va immunitet uchun foydali: “Xolodes” tayyorlash uchun 5 ta sabab
Dunyo
Dollarning qadrsizlanishi oqibatida oltin narxi oshib bormoqda