Bugun,

  • USD 11095.31
  • RUB 173.84
  • EUR 10772.44

Poytaxt jamoat transportining operatori “Toshshahartransxizmat” (TShTX) kompaniyasi bosqichma-bosqich xodimlar shtati va faoliyatini optimallashtirishni rejalashtirmoqda. Bu haqda AOKAda o‘tkazilgan anjuman vaqtida Toshkent Transport boshqarmasi rahbari Anvar Jo‘rayev ma’lum qildi, deb xabar beradi “Gazeta.uz”.

Foto: “Daryo”

Foto: “Daryo”

Shtatlarning qisqartirilishi har yili 6,14 million dollardan ortiq mablag‘ni tejab qolish imkonini beradi. Bunga TShTX va kompaniya tarkibiga kiruvchi barcha sakkizta avtobus parklarini o‘zgartirish orqali erishiladi.

Toshkent transportining bosh rejasini yaratish ustida ish olib borayotgan Turkiyaning Kalyon Ulaştırma transport injiniring kompaniyasi xodimlar maoshini ularning sonini optimallashtirish orqali oshirishni tavsiya qilmoqda.

Tadqimotga ko‘ra, yo‘lovchilarni tashish bo‘yicha xorij korxonalarida maoshlar TShTX korxonalariga to‘lanadigan maoshdan sezilarli darajada ko‘p. TShTX xodimlari o‘rtacha 100 dollar ishlab topadi.

Avtobus haydovchisining oyligi, ustamalari bilan birga, 213 dollarni tashkil etadi. Izmirda esa bu kabi xodimlar 580 dollar, Moskvada — 600 dollardan ortiq, Parij va Seulda — 2000 dollardan ortiq maosh oladi.

Optimizatsiya va TShTXdagi xodimlar maoshini 50-75 foizga oshirish hisobiga ham yiliga 1,5 million dollar tejaladi. Anvar Jo‘rayevning so‘zlariga ko‘ra, 2021-yildan boshlab kompaniya konduktorlardan voz kechadi va ular kontrolyor vazifasini bajaradi. Ular yo‘l pulini yig‘ib olmaydi, balki transport kartalari orqali amalga oshirilayotgan jarayonlarni kuzatadi.

Yo‘l uchun to‘lovlarni nazorat qilish funksiyasi Transport boshqarmasiga beriladi, shu sababli kontrolyorlar boshqarma xodimlariga aylanadi. TShTX rahbarining so‘zlariga ko‘ra, yoqilg‘i quyish va harakatlanuvchi tarkibni yuvish bosqichma-bosqich autsorsingga o‘tkazilishi hisobiga ham mablag‘lar tejaladi.

“Avtobus parklari faqat yo‘lovchilarni tashish bilan shug‘ullanadi. Shuning hisobiga xodimlar soni optimillashtiriladi. Bu odamlar ishni yo‘qotadi degani emas”, — deydi Anvar Jo‘rayev.

Avvalroq Toshkentdagi avtobus bekatlari do‘konlariz bo‘lishi haqida xabar berilgandi.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)