HDM Global kompaniyasi 5,45 dyuymli ekranga ega yangi Nokia smartfonini taqdim etishga tayyorlanmoqda, deb xabar beradi IXBT.
Xitoyning TENAA regulyatori Nokia TA-1335 model raqamli smartfonning ishlab chiqarilishini ma’qullagan. Taxminlarga ko‘ra, u Nokia C1 Plus nomi ostida taqdim etiladi. Smartfon surati birinchi rasmiy tasvirga mos keladi.
Qurilmaning og‘irligi 122 gramm bo‘lib, o‘lchami 149,1x71,2x8,75 millimetrni tashkil etadi. Telefon ikki xil — to‘q ko‘k va shampan rangida taqdim etilishi kutilmoqda. Shuningdek, smartfon 720x1440 pikselli 5,45 dyuymga teng ekranga ega bo‘ladi. U 1,4 gigagerts takt chastotasiga ega bir kristalli tizim va 2 gigabayt ichki xotiraga ega. Operatsion tizim sifatida Android 10 o‘rnatilgan, biroq gap Android 10 Go Edition haqida ketayotgan bo‘lishi ham mumkin.
Nokia TA-1335 3 megapikselli frontal va 5 megapikselli asosiy kameraga ega bo‘ladi. Akkumulyator sig‘imi esa 2500 mA/soatga teng. Smartfonning rasmiy anonsi 15-dekabrga mo‘ljallangan.
Avvalroq Nokia kompaniyasi 2009-yilda ommalashgan Nokia 6700 ko‘rinishida yaratilgan hamyonbop 224 4G modelini taqdim etgani ma’lum bo‘lgandi.
Izoh (0)