Bugun,

  • USD 11095.31
  • RUB 173.84
  • EUR 10772.44

Koronavirus infeksiyasining tarqalish xavfini kamaytirish uchun Qozog‘istonning Olmaota shahri shifokorlari COVID-19 yuqtirganlarning hammasini, shu jumladan simptomlarsiz va yengil shakldagi kasallikka chalinganlarni kasalxonaga yotqizadi. Bu haqda shahar bosh sanitariya shifokori Jandarbek Bekshin ma’lum qildi, deb xabar bermoqda “Interfaks”.

Foto: Reuters

Foto: Reuters

“Koronavirus infeksiyasiga chalingan bemorlarning 35—36 foizi qayd etiladigan uy sharoitida infeksiya tarqalishini kamaytirish maqsadida Olmaota sog‘liqni saqlash boshqarmasi kasalxonalarni aniqlaydi va qo‘riqlanadigan shifoxonalarda zudlik bilan COVID-19’ga chalingan kasallarni yakkalash va davolashni boshlaydi”, — dedi Bekshin.

Unga ko‘ra, belgilarsiz va yengil bemorlar uchun uy karantini o‘z samarasini ko‘rsatmagsn va hatto kasallanishning asosiy manbalaridan biriga aylangan.

“Biz kasallikni tahlil qilib, kasallanish holatlarining 36 foiz sababi uy sharoitida yuz beradi, degan xulosaga keldik. Uyda bolalar bor. Biz qancha urinmaylik, baribir kasallanish yuz beradi. Shunday qilib, belgilarsiz va yengil shaklda kasallanishning 36 foizi bugungi kunda uy sharoitida uchramoqda”, — dedi Bekshin.

Shu bilan birga, Bekshin hozirda Olmaotada kasallanish darajasi u qadar yuqori emasligini, odamlar oila a’zolariga virus yuqtirmasligi uchun ularni ajratib qo‘yish mumkinligini ta’kidlagan.

O‘tgan bir kun ichida Qozog‘istonda koronavirus infeksiyasi bilan kasallanish bo‘yicha 729 ta yangi holat ro‘yxatga olingan. Pandemiya boshlanganidan buyon Qozog‘istonda COVID-19 bilan kasallanish bo‘yicha 138 382 ta holat aniqlangan.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi