Futbol bo‘yicha Italiya A Seriyasining 10-turida “Inter” 5-dekabr, shanba kuni “Bolonya”ni qabul qildi.
Uchrashuvning 16-daqiqasida Romelu Lukaku milanliklarni oldinga olib chiqqan bo‘lsa, birinchi bo‘lim yakunlanishi arafasida Ashraf Hakimi hisobni oshirdi.
67-daqiqada mehmonlar Emanuel Vinyatoning golidan keyin hisobni qisqartirdi, biroq oradan uch daqiqa o‘tib Hakimi dublni rasmiylashtirgan holda yakuniy hisobni o‘rnatdi — 3:1.
“Inter” ochkolarini 21 taga yetkazib olgan holda ikkinchi o‘ringa qaytdi.
A Seriya
10-tur bahsi
5-dekabr, shanba
“Inter” — “Bolonya” 3:1
Gollar: 1:0 – 16 Lukaku, 2:0 – 45 Hakimi, 2:1 – 67 Vinyato, 3:1 – 70 Hakimi.“Inter”: Handanovich, Shkrinyar, de Vrey, Bastoni (D`Ambrozio, 83), Hakimi (Darmian, 71), Vidal (Barella, 71), Brozovich, Galyardini, Perishich, Lukaku (Martines, 71), Sanches (Eriksen, 90).
“Bolonya”: Skorupski, Medel (Dominges, 63), Larangeyra, Tomiyasu, de Silvestri, Sxauten, Svanberg (Vinyato, 63), Hiki (Xayloti, 63), Soriano, Barrou (Rabbi, 79), Palasio (Vergani, 79).
Ogohlantirishlar: Hiki (54), Hakimi (66), Larangeyra (74).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)