Bugun,

  • USD 11095.31
  • RUB 173.84
  • EUR 10772.44

Android-smartfon ishlab chiqaruvchilar o‘rtasida eng tezkor quvvatlantirgich yaratish bo‘yicha “urush” ketmoqda, hozirda rekord Xiaomi va Mi 10 Ultra’ning 120 vattli blokiga tegishli. Boshqa ishlab chiqaruvchilar ham bosqichma-bosqicha yangi quvvatga o‘tmoqda, Mopoint quvvatlantirgichi paydo bo‘ldi — u juda kichkina va 100 vattni qo‘llab-quvvatlaydi, deb xabar beradi Hi-Tech.Mail.ru.

Foto: Hi-Tech.Mail.ru

Foto: Hi-Tech.Mail.ru

Mazkur quvvatlantirgichning o‘ziga xosligi uning o‘lchamida — u ultrabuklarga mo‘ljallangan zamonaviy quvvatlantirgichga o‘xshaydi. Aniq o‘lchamlari — 6,3x6,3x3,05 santimetr.

Qurilma bir vaqtning o‘zida to‘rtta gadjetni quvvatlantira oladi — smartfon, planshet, noutbuk va soatlar. Ikkita USB Type-C portlari 100 vattni, yana bir USB Type-C 20 vattni qo‘llab-quvvatlaydi va 18 vattga teng to‘liq o‘lchamli USB-A ham mavjud.

Quvvatlantirgichni ishlab chiqarishda galliy nitridli GaN texnologiyasidan foydalanilgan. Kompaniya bu kabi kichik o‘lchamdagi qurilmani maksimal kuchlanishga ham bardosh bera oladigan qilib yaratgan. Yagona kamchiligi, uchta port band bo‘lsa, 100 vattli port to‘liq quvvatda ishlamaydi. Quvvat ular orasida teng taqsimlanadi.

Monopoint hozirda Indiegogo loyihasiga joylashtirilgan bo‘lib, uni 59 dollar evaziga oldindan buyurtma qilish mumkin. Yetkazib berish ishlari 2021-yilning yanvariga rejalashtirilgan. Taqqoslash uchun iPhone’ning 20 vattli quvvatlantirgichi narxi 27 dollarni tashkil etadi.

Eslatib o‘tamiz, shu yilning iyul oyida Oppo kompaniyasi 125 vattli o‘ta tezkor simli quvvatlantirgichni taqdim etgandi.

Izoh
Asosiy yangiliklar
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank