Venesuela prezidenti Nikolas Maduro o‘z telefon raqamini aytib, uni Telegram va WhatsApp’dagi chatlarga qo‘shishga chaqirdi, deb yozadi Meduza.

Foto: Al Jazeera

Shu tariqa Maduro mamlakatda 6-dekabrda bo‘lib o‘tadigan parlament saylovlari haqidagi “haqiqat uchun kurashish”ni rejalashtirmoqda. Shuningdek, prezident o‘zining “ko‘cha odami” ekanligini eslatib, unga ishonish mumkinligini aytdi.

Maduro o‘zi qo‘shilgan chatlarga saylovlar haqidagi ma’lumotlarni yuborishga va’da berdi. U allaqachon minglab chatlarga a’zo, shuning uchun uni ko‘p ish kutmoqda.

Maduroning Telegram’dagi akkaunti

Maduroning telefonida chatlar lentasi mana shunday tezlik bilan yangilanmoqda.