Ispaniyalik olimlar sinf xonasidagi har bir inson uchun alohida trubalar tarmog‘idan iborat konstruksiyani o‘z ichiga olgan ixtironi patentladi, deb xabar beradi Hi-Tech.Mail.ru.
Taxminlarga ko‘ra, quvurlarning ulkan labirintida ikkita kanal bo‘ladi — bittasi toza havoni uzatish uchun bo‘lsa, ikkinchisi — chiqariladigan havo uchun. Ikkala kanaldagi havo ham ultrabinafsha chiroq yordamida qo‘shimcha dezinfeksiya qilinadi. Yuz uchun individual niqoblar belgilangan joylarga o‘rnatiladi.
Konstruksiyada tizim ikki partadoshdan chiqadigan havoning aralashib ketmasligi qanday qilib ta’minlanishi tushunarsiz. Shuningdek, odamlar xonadan qanday qilib xavfsiz joyga chiqishi yoki niqoblar ishlatilib bo‘linganidan keyin, tozalanishiga izoh berilmagan. Bunga hozircha javob yo‘q, biroq toza havo “iflos” havo bilan aralashib ketmasligi aniq.
Sinfdagilarning barchasi toza havodan nafas olsa va niqobda yursa, ijtimoiy masofalanishga rioya qilish zarurati tug‘ilmaydi. Aftidan, odamlar o‘z ixtiyori bilan ushbu noodatiy qurilmani taqishi orqali barcha sinflar yoki masalan, kinoteatrlar o‘zining odatdagi ish rejimiga qaytishi va 100 foiz tashrif buyuruvchiga xizmat ko‘rsatishi mumkin ko‘rinadi.
Loyiha hozircha konsepsiya doirasida, biroq laboratoriyada uning kichkina modeli yaratilgan va tajriba tariqasidagi dastlabki bosqichda muvaffaqiyatli sinalgan. Tadqiqotchilar bu kabi antiutopik tarmoqni haqiqiy sinflarda joriy etish qanchaga tushishiga oydinlik kiritmagan.
Avvalroq kanadalik erkak koronavirusdan himoya qiluvchi shlem yaratgani to‘g‘risida xabar berilgandi.
Izoh (0)