Madaniyat vazirligining Kadrlar boshqarmasi boshlig‘i etib Nurbek Shukurov tayinlandi, deya xabar bermoqda “Xalq so‘zi Online”.
O‘zbekiston Prezidentining “O‘zbekiston Respublikasida kadrlar siyosati va davlat fuqarolik xizmati tizimini tubdan takomillashtirish chora-tadbirlari to‘g‘risida”gi Farmoniga muvofiq, ushbu lavozimga tayinlov O‘zbekiston Prezidenti huzuridagi Davlat xizmatini rivojlantirish agentligi xulosasiga ko‘ra amalga oshirildi.
Ma’lumot uchun, Nurbek Shukurov Toshkent viloyatida tug‘ilgan. 2015-yilda Toshkent davlat yuridik universitetini tamomlagan. 2016-yildan boshlab shu kunga qadar prokuratura organlari tizimida turli lavozimlarda faoliyat yuritgan.
N.Shukurov 2020-yil fevral oyidan buyon O‘zbekiston Madaniyat vazirining yordamchisi lavozimida ishlab kelayotgan edi.
Avvalroq Toshkent shahar IIBBda yangi lavozim tayinlovlar amalga oshirilgani, Baxtiyor Islomov Prezident maslahatchisining birinchi o‘rinbosari etib tayinlangani va Tashqi mehnat migratsiyasi agentligi boshlig‘iga yangi o‘rinbosarlar tayinlangani haqida xabar berilgan edi.
Izoh (0)