Diyego Maradonaning shaxsiy shifokori Leopoldo Luke argentinalik sobiq futbolchining o‘limi sabab tergov qilinmoqda, deya xabar qilmoqda Marca.
Sud prokuratura so‘roviga ko‘ra, shifokorning uyi va klinikada tintuv ishlarini o‘tkazishga ruxsat bergan. 30 nafarga yaqin politsiyachi uning uyi va ishxonasida tintuv ishlarini olib borgan.
Luke inson o‘limiga olib kelgan beparvolikda gumon qilinmoqda.
Ta’kidlanishicha, Maradonaga boshidagi gematomani olib tashlash uchun o‘tkazilgan operatsiyadan keyin shifoxonadan ketishga ruxsat berilmagan. Biroq Diyego 11-noyabr kuni u yerni tark etgandi.
Prokuratura qator savollarga javob topishga urinmoqda: Maradonaga uyda qolishga ruxsat etilganmi, nima sababdan u kecha-yu kunduz shifokor mutaxassis kuzatuvi ostida bo‘lmagan, sobiq futbolchida kerakli dorilar bo‘lganmi, meditsina qoidalariga rioya etilganmi, nima sababdan uyda defibrillyator bo‘lmagan?
Eslatib o‘tamiz, Diyego 25-noyabr kuni yurak xuruji oqibatida 60 yoshida vafot etdi.
Mavzuga doir:
- Maradonaning menejeri: “Diyego o‘zini o‘lishga qo‘yib berdi. U charchagan va yashashni xohlamayotgandi”
- Futbol afsonasi Diyego Maradona hayoti va faoliyatidagi eng yorqin lahzalar (fotogalereya)
- Argentinadan Suriyagacha. Muxlislar Diyego Maradona bilan vidolashmoqda (fotogalereya)
- Maradonaning neapollik bemor bolaga yordam berish uchun klubga qarshi chiqib, loy maydonda o‘ynab gol urgani haqida kichik hikoya
- “Argentinalik bo‘lish baxti hech qanday qiymatga sotilmaydi”. Maradonaning 100 mln dollarga sotilmagan vatanparvarligi haqida
- Diyego Maradona 23 yil avval futbol bilan xayrlashgandi, bugun esa... Argentinalik dahoning so‘nggi uchrashuvi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)