Futbol bo‘yicha Ispaniya La Ligasining 11-turida “Real” 28-noyabr, shanba kuni “Alaves”ni qabul qildi.
Uchrashuvning dastlabki daqiqalarida mehmonlar penalti ishlab oldi, uni Lukas Peres muvaffaqiyatli ijro etdi. Birinchi bo‘limning ikkinchi yarmiga kelib madridliklar faollikni oshirdi va raqib darvozasi oldida bir qator vaziyatlarni yaratdi. Shuningdek, mehmonlar ham bir nechta xavfli vaziyat yaratishga muvaffaq bo‘ldi.
Ikkinchi bo‘lim debyutida Tibo Kurtuaning xatosidan keyin Xoselu ikkinchi to‘pni kiritdi. Qolgan vaqtda mehmonlar qarshi hujumda harakat qildi va basklarning har bir qarshi hujumi xavfli ko‘rinish oldi. “Real” so‘nggi daqiqalarda bosimni kuchaytirdi va bu o‘z samarasini berdi. Kazemiro 86-daqiqada hisobni qisqartirdi. Qlgan vaqtda hisob o‘zgarmadi.
“Real” 17 ochko bilan 4-o‘rinda bormoqda, “Alaves” (13) 9-pog‘onaga ko‘tarildi.
“Atletiko” safarda “Valensiya”ga qarshi bahs yuritdi. Uchrashuvning 79-daqiqasida mezbonlar o‘yinchisi Toni Lato o‘z darvozasini ishg‘ol qilib qo‘ydi va bu avtogol madridliklarga uch ochko taqdim etdi.
“Sevilya” esa Yussuf an-Neserining 83-daqiqadagi goli evaziga “Ueska”ni yengdi.
La Liga
11-tur bahslari
28-noyabr, shanba
“Real Madrid” — “Alaves” 1:2
Gollar: 0:1 – 5, penalti Lukas Peres, 0:2 – 49 Xoselu, 1:2 – 86 Kazemiro.“Real Madrid”: Kurtua, Marselo (Mendi, 69), Varan, Nacho, Vaskes, Kroos (Isko, 69), Modrich (Edegor, 69), Asensio (Vinisius Junior, 63), Kazemiro, Azar (Rodrigo, 28), Mariano Dias.
“Alaves”: Pacheko, Lejen, Ximo Navarro, Duarte, Laguardia, Battalya, Pina (Mendes, 77), Xota, Rioxa (Xavi Lopes, 88), Xoselu (Deyverson, 90), Lukas Peres (Sayns, 88).
Ogohlantirishlar: Kazemiro (18), Kroos (61), Rioxa (67), Duarte (76), Mendes (88).
“Valensiya” — “Atletiko” 0:1
Gol: 0:1 – 79, avtogol Toni Lato.“Valensiya”: Domenek, Gilyamon (Mangalya, 57), Toni Lato, Gabriel Paulista, Vass (Jeyson, 84), Gedesh, Musa (Terri Korreyya, 71), Soler, Rachich, Valyexo (Sobrino, 71), Maksi Gomes (Gameyro, 70).
“Atletiko”: Oblak, Lodi (Joau Feliks, 46), Savich, Ximenes, Trippyer, Lemar (Kondogbia, 65), Koke, Lorente, Saul (Karrasko, 60), Korrea (Vitolo, 65), Ermoso.
Ogohlantirishlar: Rachich (28), Saul (43), Gilyamon (57), Korrea (62), Lyorente (76), Joau Feliks (81), Koke (83).
“Ueska” — “Sevilya” 0:1
Gol: 0:1 – 83 an-Nesiri.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)