Rossiyadan 17 nafar o‘zbekistonlik vatanga olib kelindi, deya xabar bermoqda Tashqi mehnat migratsiyasi agentligi.
Ma’lum qilinishicha, Yekaterinburgdan 1 nafar, Qozondan 2 nafar, Moskvadan 2 nafar, Boshqirdistondan 5 nafar, Sankt-Peterburgdan 7 nafar o‘zbekistonlik charter reys orqali vatanga olib kelindi.
Ta’kidlanishicha, Tashqi mehnat migratsiyasi agentligi, Xalqaro migratsiya tashkiloti va O‘zbekistonning Moskva shahridagi elchixonasi ko‘magida olib kelinayotgan o‘zbekistonliklar, asosan, kasalmand, homilador va boquvchisini yo‘qotgan fuqarolar toifasiga kiradi.
Avvalroq Abxaziyada qolib ketgan 299 nafar o‘zbekistonlik charter reys bilan vatanga qaytarilgani haqida xabar qilingandi.
Izoh (0)