Namanganda aholi 2022-yilga qadar jamoat transporti bilan to‘liq qamrab olinadi. Bu haqda viloyat transport boshqarmasi boshlig‘i Alisher Abdulhodiyev ma’lum qildi, deya xabar beradi “Daryo” muxbiri Azizbek Abduvaliyev.
Abdulhodiyevga ko‘ra, viloyatda 800 ta avtobusga ehtiyoj bor, hozirda yo‘nalishlarga chiqarilayotgan avtobuslar soni esa 400 ga yaqin.
— Namangan shahri jamoat transporti bilan qamrab olingan, bu yerdan tuman markazlariga avtobuslar qatnovi ham yo‘lga qo‘yilgan. Endigi maqsad tuman markazlarini qishloqlar bilan bog‘lash, — deydi u.
Transport boshqarmasi boshlig‘ining ta’kidlashicha, Namanganda 130 ta avtobus va 220 ta mikroavtobus xarid qilish bo‘yicha manzilli ro‘yxat shakllantirilgan. Ushbu transport vositalarini 2021-yil birinchi choragiga qadar olib kelish rejalashtirilmoqda.
Hozir bu borada banklar bilan muzokaralar olib borilmoqda.
Izoh (0)