Futbol bo‘yicha Italiya A Seriyasi 8-turining markaziy bahsi “Napoli” va “Milan” jamoalari o‘rtasida kechdi.
Uchrashuvning 20-daqiqasida Zlatan Ibragimovich milanliklarni oldinga olib chiqqan bo‘lsa, ikkinchi bo‘lim debyutida shvetsiyalik futbolchi ikkinchi golini urdi.
63-daqiqada Dris Mertens hisobni qisqartirishga muvaffaq bo‘ldi. Biroq neapolliklarning quvonchi uzoqqa cho‘zilmadi. 65-daqiqada Tyemue Bakayoko ikkinchi sariq kartochkasini olib maydonni tark etdi. Milanliklar hakam tomonidan qo‘shib berilgan vaqtda uchinchi golni urishga muvaffaq bo‘ldi.
“Milan” ochkolarini 20 taga yektazib olgan holda birinchi o‘ringa qaytdi. “Napoli” (15) 6-pog‘onada qoldi.
A Seriya
8-tur bahsi
22-noyabr, yakshanba
“Napoli” — “Milan” 1:3
Gollar: 0:1 – 20 Ibragimovich, 0:2 – 54 Ibragimovich, 1:2 – 63 Mertens, 1:3 – 90+5 Hyouge.“Napoli”: Meret, Manolas, Di Lorenso, Mariu Ruy, Kulibali, Politano (Petanya, 69), Fabian Ruis (Elmaz, 90), Insinye, Bakayoko, Losano (Zelinski, 56), Mertens.
“Milan”: Donnarumma, Romanyoli, Ker, Teo, Kalabriya, Chalxono‘g‘lu (Krunich, 87), Bennaser, Kessie, Salemakers (Kastilyexo, 73), Rebich (Hyouge, 73), Ibragimovich (Kolombo, 79).
Ogohlantirishlar: Bakayoko (16), Kalabriya (47), Rebich (59), Kessie (76), Mariu Ruy (81), Kastilyexo (85).
Chetlatish: Bakayoko (65).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)