Dasturxon uchun noodatiy yegulik retsepti bilan tanishing.

Foto: Lifehacker

Kerakli mahsulotlar:

  • Katta piyoz – 2 dona;
  • Pishloq – 3-5 bo‘lak;
  • Tuxum – 5 dona;
  • Un – 250 gramm;
  • Qotirilgan non tolqoni– 230 gramm;
  • O‘simlik yog‘i, tuz.

Tayyorlanish jarayoni:

  1. Piyoz parrak qilib to‘g‘raladi va halqachalarga ajratiladi.
  2. Pishloq ham xuddi piyoz kabi halqachalarga ajratiladi.
  3. Piyozning katta halqasiga kichkinasi kiritiladi, ularning orasiga pishloq joylashtirib chiqiladi. Barchasi shu tarzda takrorlanadi.
  4. So‘ngra muzlatkichga qo‘yiladi.
  5. Tuxumga bir chimdim tuz solib, aralashtiriladi. Bir idishga un va yana boshqasiga non tolqoni solinadi.
  6. Piyoz halqalari avval unga botiriladi. Keyin tuxum va non tolqoniga botirilib, 2-3 daqiqa davomida qizarguncha yog‘da qovurib olinadi.
  7. Tayyor bo‘lgan yeguliklardagi ortiqcha yog‘ni kamaytirish uchun qog‘oz salfetkalar ustiga qo‘yiladi.
  8. Pishloqli halqachalar ta’bga ko‘ra bezatilib, dasturxonga tortiladi.

Yoqimli ishtaha!