Xitoyning Guanchjou shahrida ochilgan avtosalonda Guangzhou Automobile Group (GAC) kompaniyasi Moca nomli noodatiy konsept-karni taqdim etdi. Avtomobil minimalistik dizayn va kuzovda joylashgan ikkita ulkan ekranga ega bo‘lgan, deb xabar beradi Motor.
Biroq shou-karning qiziqarli tomoni ulkan displeylarga ega ekanligida. Ularning biri radiator panjarasi o‘rnida joylashgan bo‘lsa, ikkinchisi — quyruq qismida. Yoniq holatda ham deyarli ko‘zga tashlanmaydigan optika qismi ekranlarning markazidan joy olgan. Displeylarning funksionalligi cheklangan: Autohome ma’lumotlariga ko‘ra, ular faqat o‘rtasidagi matnlar o‘zgarib turadigan turli rangdagi fonni hosil qila oladi.
Minimalizm salonda ham davom etgan: konsept lakonik old panelga, vertikal joylashgan multimedia tizimli displey va chetlari aylanasimon rul hamda qo‘shimcha ekranga ega. Suratlardan ko‘rish mumkinki, Moca’ning barcha o‘rindiqlari turlicha: old tomonida haydovchi uchun kulrang va yo‘lovchi uchun kovushsimon o‘rin joylashgan, orqasida — yorqin sariq rangli divan va bolalar o‘rindig‘i.
Hozircha Moca’ning texnika tavsifi to‘g‘risida ma’lumotlar yo‘q. Faqatgina u Xitoydagi shahar ko‘chalari bo‘ylab harakatlanishga mo‘ljallangan kelajakdagi elektrokarlarning yangi GAC platformasida yaratilgani ma’lum.
Avvaliga soatiga 100 kilometr tezlikka 5 soniyada va 500 ot kuchiga ega BMW iX seriyali elektrokari taqdim etilgandi.
Izoh (0)