Moskvaning “Spartak” jamoasida faoliyat yuritayotgan o‘zbekistonlik yarim himoyachi Oston O‘runov yangi jamoasidagi maoshi haqida fikr bildirdi.
“O‘zbekiston chempionati bilan solishtirganda maosh yuz barobar o‘sdimi? Mening xabarim yo‘q, otam biladi. Hamma pul unda, uyda, hammasini unga jo‘nataman.
Oylik xarajatlarga qancha beradi? Buni otam bilan muhokama qilamiz. O‘z xarajatlarimga biroz pul qoldiraman, qolgan barchasini unga jo‘nataman. Maoshim qancha ekanini bilmayman”, — deydi O‘runov.
Oston avgustda “Ufa”dan “Spartak” safiga borib qo‘shildi. Avvalroq moskvaliklar uning transferi uchun 2 million yevro sarflashi, Ostonning maoshi esa yiliga 600 ming yevro bo‘lishi haqida xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)