Moskvaning “Spartak” jamoasida faoliyat yuritayotgan o‘zbekistonlik yarim himoyachi Oston O‘runov ijtimoiy tarmoqlarda ko‘plab muhokamalarga sabab bo‘lgan surat haqida fikr bildirdi.
Futbolchi “Spartak”ka o‘tganidan hech qancha vaqt o‘tmay Instagram sahifasida qimmatbaho kiyimlar sotib olgani tasvirlangan suratni e’lon qilgan. Keyinroq uni o‘chirib yuborgandi.
Suratni o‘zim uchun joylagandim va u bu qadar ajiotaj tug‘dirishini bilmagandim. Keyinroq yoshi katta jamoadoshlarim qo‘ng‘iroq qildi va suratni o‘chirishimni maslahat berdi.Oston avgustda “Ufa”dan “Spartak” safiga borib qo‘shildi. Avvalroq moskvaliklar uning transferi uchun 2 million yevro sarflashi, Ostonning maoshi esa yiliga 600 ming yevro bo‘lishi haqida xabar qilingandi.Gazizov bilan bu mavzuda alohida gaplashmadim. Voqeadan keyin mashg‘ulot paytida uchrashdik va u shunday dedi: “Ajoyib surat”. Hazil aralash, albatta. Keyin esa bunday suratlar joylamagan yaxshiroq ekanini tushuntirdi.
Ostun O‘runov, “Spartak” futbolchisi
Mavzuga doir:
- Oston O‘runov: “Spartak”dagi maoshim qancha ekanini bilmayman
- “Ufa” sobiq bosh murabbiyi: “Oston O‘runovning salohiyati yuqori”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)