Ba’zan odamlarda muvaffaqiyatga erishish irsiyatga bog‘liqdek ko‘rinadi. Aksariyat insonlarda esa ularga nisbatan g‘ashlik, hasad tuyg‘usi paydo bo‘ladi. Aslida ularni kuzatib, yaxshi odatlarini o‘zlashtirish esa eng ma’qul ishdir. Sababi muvaffaqiyatga erishishda yordam beradigan fazilatlar har kimda ham rivojlanishi mumkin.
Foto: “pandaland.kz”
Muloqot qilish qobiliyati
Inson – ijtimoiy mavjudotdir. Muloqot esa har qanday vaziyatda ham ularni tark etmaydi. Masalan, suhbatlarda muloqot qilish qobiliyati orqali yaxshigina ish o‘rniga ega bo‘lish mumkin. Shuning uchun ham insonlar bilan samimiy va yodda qolarli tarzda aloqa qilish qobiliyati muvaffaqiyatning muhim qismi hisoblanadi.
“Sizning bilimingiz va mavqeyingiz o‘zaro muloqotda bo‘layotgan insonlarning g‘oyalari va tajribalariga ta’sir o‘tkazadi”, − deydi amerikalik tadbirkor Keyt Ferratssi. Hamisha o‘z maqsadiga erishgan insonlar atrofdagilari bilan ishonchli va samarali suhbat qurish uchun alohida vaqt ajratadi. Shu bilan birga ular hammaga bir xil hurmat bilan qaraydi.
Sog‘lom shijoat
Har kimning hayotida shijoat muhim bo‘lsa-da, uni birinichi o‘ringa chiqarib qo‘yish to‘g‘ri emas. Ko‘pgina muvaffaqiyatga erishgan odamlarning shijoatini ko‘rish mumkin, lekin buni ular karyerasi davomida shakllantirgan. Ular faqatgina kerakli joyda o‘z shijoatini namoyon qiladi.
Nosog‘lom shijoat atrofda yordam beradigan odamlarni chetlashtirishi mumkin. Har kim o‘zi xohlagan narsani amalga oshiradi, ko‘nikmalarini o‘rgatadi va hamisha o‘zini isbotlashga tayyor bo‘ladi. Ammo muvaffaqiyatga erishish uchun boshqalarga bosim o‘tkazmaydi.
Kutishga emas, harakatga intilish
Ko‘pgina odamlar birovlarning ishi yurishganini sezib qolsa, buni qanday amalga oshirdi, degan savolni beradi. Bu juda oddiy. Ular boshqalar kabi kutadi, ammo vaziyatni tahlil qilgandan so‘ng harakatni amalga oshiradi.
Tadbirkor va investor Jon Deymond Nyu-York ko‘chalarida qo‘l mehnati yordamida tikilgan futbolkalarni sotishni boshlagan. Uning na puli, na ofisi va na futbolka ishlab chiqaradigan fabrikasi bor edi. Bugungi kunda Deymond millionlab dollarlik kiyim-kechak brendi FUBU’ga rahbarlik qilmoqda. Har kim o‘z loyihasini boshlashi uchun hech qachon kech bo‘lmaydi. Har bir inson yagona, shuning uchun raqobatdosh bozorda ham imkoniyat, albatta, mavjud bo‘ladi.
Maqsadga erishish istagi
Muvaffaqiyatli odamlar muntazam ravishda maqsadlariga ko‘ra harakat qiladi va ularga erishganida o‘zlarini qulay his etadi. Demak, inson avval o‘zi istaydigan narsani aniqlab olishi zarur. Buning uchun reja tuzishi, harakat qilishi kerak. Shundagina o‘ziga ishongan holda muvaffaqiyatga erishish mumkin.
