Kasallanganlarning umumiy soni bo‘yicha dunyoda ikkinchi o‘rinda bo‘lgan Hindistonda koronavirusga chalinish holatlari soni 9 milliondan oshdi, deb yozadi “Kommersant” mamlakat SSVga tayanib. Bir kunda mamlakatda 45 882 kishi COVID-91’ni yuqtirib oldi, 584 kishi esa vafot etdi. Koronavirusdan vafot etganlar soni Hindistonda jami 132 ming kishidan oshdi.
Koronavirusning kuzgi to‘lqini fonida Dehli bosh vaziri Arvind Kejrival Nyu-Dehlida bozorlarni yopish uchun federal hukumat ruxsat berishini kutgan edi. Avvalroq mamlakatda niqob rejimini buzganlik uchun jarima 2 ming rupiyagacha (qariyb 280 ming so‘m) oshirilgandi.
Shuningdek, Meksikada koronavirus oqibatida vafot etgan bemorlar soni 100 mingdan oshib, 100 104 kishiga yetdi. Bir kecha-kunduzda 576 kishi vafot etdi. Meksika qurbonlar soni 100 ming kishidan oshgan to‘rtinchi mamlakat bo‘ldi, bundan avval AQSh, Braziliya va Hindistonda ham shunday ko‘rsatkich qayd etilgan edi.
Meksikada pandemiya boshidan buyon jami 1,19 million kishi kasallikka chalingan, bir kecha-kunduzda esa o‘sish 4472 kishini tashkil qildi.
Jons Hopkins universiteti ma’lumotlariga ko‘ra, dunyo bo‘yicha jami 56,8 million kishi koronavirusni yuqtirib olgan. 1,3 million kishi vafot etgan, yana 36,4 millioni sog‘aygan. Eng ko‘p kasallanganlar AQSh (11,7 million), Hindiston (8,9 million) va Braziliyada (5,9 million) qayd etilgan.
Mavzuga doir:
Izoh (0)