Bugun,

  • USD 10940.05
  • RUB 182.26
  • EUR 11121.65

Air Cairo kompaniyasi ilk bor Sharm-al-Shayx va Toshkent o‘rtasida 25-noyabrdan boshlab muntazam reyslar yo‘lga qo‘yilayotganini ma’lum qildi. Bu haqda Misr fuqarolik aviatsiyasi vazirligi xabar bergan.

Foto: Pinterest

Foto: Pinterest

2021-yil aprel oyidan boshlab kompaniya dekabrda yo‘lga qo‘yiladigan Sharm-al-Shayx hamda Samarqand o‘rtasidagi charter reyslarga qo‘shimcha ravishda haftasiga 4 ta reysni qo‘shmoqchi.

2019-yil avgustda O‘zbekiston bozorida Misrning yangi loukosteri paydo bo‘lishi munosabati bilan Sharm-al-Shayx bilan aviaparvozlar soni oshishi haqida xabar qilingandi. Nile Air aviakompaniyasi bunda Sharm-al-Shayx — Toshkent — Sharm-al-Shayx yo‘nalishini amalga oshirishda O‘zbekiston Monopoliyaga qarshi kurash qo‘mitasidan ko‘mak so‘ragan.

Air Cairo — Misrning charter aviakompaniyasi bo‘lib, uning shtab-kvartirasi Qohirada joylashgan, kompaniya Yevropa, Afrika va Osiyodan Misrga sayohatlarni tashkillashtiradigan turoperatorlarga xizmat ko‘rsatadi. Kompaniyani boshqarish huquqi mamlakatning EgyptAir flagmaniga tegishli.

2020-yil 28-oktabr kuni Oliy Majlis Qonunchilik palatasida davlat dasturining 3-chorakda bajarilishi yuzasidan hukumat hisoboti eshitilgan, unda bosh vazir o‘rinbosari, Turizmni rivojlantirish davlat qo‘mitasi raisi Aziz Abduhakimov mamlakatda turizmni tiklash rejalariga to‘xtalib o‘tgan, xususan, O‘zbekistonga loukosterlarni jalb qilish choralari ko‘rilayotganini bildirgan.

2020-yil 4-noyabrdan boshlab Birlashgan Arab Amirliklari hamda O‘zbekiston Transport vazirligi o‘rtasidagi havo qatnovi bo‘yicha kelishuviga muvofiq BAAning Air Arabia aviakompaniyasi Sharja—Toshkent—Sharja yo‘nalishlarida muntazam aviaqatnovlarni yo‘lga qo‘yilgan. Keyinchalik Uzbekistan Airways 2020-yil 1-dekabrdan boshlab Dubayga qatnovlar haftasiga 5 marotaba – dushanba, chorshanba, payshanba, juma va yakshanba kunlari amalga oshirilishini ma’lum qilgan.

2020-yilgi Davlat dasturiga beshta yangi aviakompaniya tashkil etish ham kiritilgan edi. Umuman, mamlakatda aviakompaniyalar soni ko‘payishi haqida 2018-yilda bosh vazir birinchi o‘rinbosari Ochilboy Ramatov, 2020-yilda bosh vazir o‘rinbosari Aziz Abduhakimov, transport vaziri Elyor G‘aniyev ham gapirgan. Biroq amalda “O‘zbekiston havo yo‘llari”ni Uzbekistan Airways, Uzbekistan Airports va Uzbekistan Helicopters’ga bo‘lishdan boshqa ish bo‘lmadi.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Daryo” reportaji: Namangandan topilgan zardushtiylar ibodatxonasining dunyoda tengi yo‘qligi aytilmoqda. Bu yerdagi 70 ta otashkadada tun-kun olov yonib turgan (v...
Madaniyat
O‘zbekistonda o‘tkazilgan Mokkoji Korea festivali va K-pop konserti — suratlarda