O‘zbekiston Gidrometeorologiya xizmati 19-noyabr kuni Chimyonda qor ko‘chish xavfi haqida e’lon qildi.

Ma’lumotlarga ko‘ra, 19-noyabr mahalliy vaqt bilan soat 08:00 dan 20-noyabr soat 08:00 gacha Chimyon tog‘ zonasida (dengiz sathidan 2000 metr balandlik) qor ko‘chish xavfi e’lon qilindi.

Avvalroq “O‘zgidromet” Toshkent viloyatida havo o‘zgarib turishi, kechasi va ertalab ba’zi joylarda biroz qor yog‘ishini ma’lum qilgandi. Ta’kidlanishicha, ba’zi joylarga tuman tushishi mumkin. G‘arbiy shamol yo‘nalishini o‘zgartirib, shimoli-sharqdan 7-12 metr/sekund tezlikda esadi, ba’zi joylarda 15-20 metr/sekundgacha kuchayishi mumkin.

Favqulodda vaziyatlar vazirligining ma’lum qilishicha, O‘zbekistonda 18-noyabrda boshlangan noqulay ob-havo sharoiti yana ikki kun davom etishi mumkin.