SpaceX Crew-1 ekipaji “Mandaloriyalik” serialidagi duxobadan tayyorlangan kichkintoy Yoda o‘yinchog‘ini Xalqaro kosmik stansiyaga o‘zi bilan birga olib ketdi, deb yozadi “KinoPoisk”.

Foto: “KinoPoisk”

Mini-Yoda bortda o‘ziga xos funksiya– “nol tortishish ko‘rsatkichi”ni amalga oshiradi, uning yordamida ekipaj orbitaga chiqish vaqtini va mikrogravitatsiyani aniqlaydi.

Bungacha SpaceX parvozlarida “nol tortishish ko‘rsatkichi” bo‘yicha Tremor nomli dinozavr xizmat qilgan. Kichkintoy Yoda birinchi bo‘lib “Mandaloriyalik” serialining birinchi qismida paydo bo‘lgan va tez orada internet olamini egallagan. Shuningdek, Yoda asosida bir qancha o‘yinchoqlar ishlab chiqarilgan.