2020-yil 18-noyabrdagi Prezident farmoyishi bilan Buxoro viloyati bojxona boshqarmasiga yangi rahbar – Navoiy viloyati bojxona boshqarmasi boshlig‘i lavozimida ishlagan Bahodir Qutlimuratov tayinlandi. Bu haqda Buxoro viloyati hokimligining axborot xizmati xabar bergan.
Bahodir Qutlimuratov 1983-yil 4-aprelda Xorazm viloyati Urganch tumanida tug‘ilgan. 2015–2017-yillarda Samarqand viloyati bojxona boshqarmasi boshlig‘i o‘rinbosari, 2017–2020-yillarda Navoiy viloyati bojxona boshqarmasi boshlig‘i lavozimlari faoliyat olib borgan.
Buxoro viloyati bojxona boshqarmasi boshlig‘i vazifasida ishlab kelgan Salimov Doniyor Bahriddinovich bojxona institutining moliya-iqtisod va xo‘jalik ishlari bo‘yicha o‘rinbosari lavozimida faoliyatini davom ettiradi.
Shuningdek, Prezident farmoyishi bilan boshqa bir qator hududiy bo‘linmalar, jumladan Samarqand, Navoiy va Xorazm viloyatlari hududiy bojxona boshqarmalari boshliqlari tayinlangan. Bu haqda Davlat bojxona qo‘mitasi axborot xizmatiga tayanib “Kun.uz” xabar berdi.
Bojxona xizmati polkovnigi Yusupov Doniyor Tavakkaljonovich Navoiy viloyati bojxona boshqarmasi boshlig‘i lavozimiga tayinlangan. Bunga qadar D.Yusupov Samarqand viloyati bojxona boshqarmasi boshlig‘i lavozimida xizmat olib borgan.
Davlat bojxona qo‘mitasi Bojxona instituti boshlig‘ining moliya-iqtisod va xo‘jalik ishlari bo‘yicha o‘rinbosari lavozimida ishlagan bojxona xizmati polkovnigi Mirzarahimov Yakub Hakimovich Samarqand viloyati bojxona boshqarmasi boshlig‘i lavozimiga tayinlandi.
Muqaddam Qoraqalpog‘iston Respublikasi bojxona boshqarmasi boshlig‘ining birinchi o‘rinbosari lavozimida faoliyat olib borgan bojxona xizmati polkovnigi Kazakov Ilhombek Bazarbayevich Xorazm viloyati bojxona boshqarmasi boshlig‘i lavozimini egallagan.
2020-yil fevral oyida Davlat bojxona qo‘mitasi raisi Murodjon Azimov 12-fevral kuni Toshkent shahar bojxona boshqarmasida navbatdan tashqari yig‘ilish o‘tkazgan va unda Toshkent shahar bojxona boshqarmasi boshlig‘ining birinchi o‘rinbosari, 2 nafar o‘rinbosari, boshqarmaning 4 nafar bo‘lim boshlig‘i, 2 nafar bojxona posti boshliqlari, “Ark-buloq” bojxona posti boshlig‘i o‘rinbosari egallab turgan lavozimidan ozod qilinib, Toshkent shahar bojxona boshqarmasi boshlig‘ining yangilangan tarkibdagi o‘rinbosarlari jamoaga tanishtirilgandi.
Izoh (0)