Yoaxim Lyov: Ispaniya bizga imkoniyat qoldirmadi. Bu qora kun
Germaniya terma jamoasi bosh murabbiyi Yoaxim Lyov Millatlar Ligasi doirasida kechgan Ispaniyaga qarshi o‘yindan (0:6) keyin o‘z fikrlari bilan o‘rtoqlashdi.
Hozir nimanidir tushuntirish qiyin. Hammasi o‘ylaganimizdek bo‘lmadi.Bu Germaniya terma jamoasi tarixida rasmiy uchrashuvlarda qayd etilgan eng yirik mag‘lubiyat bo‘ldi.Ikkinchi bo‘limda o‘yinga qaytish uchun personal pressingda harakat qilishga urindik. Biroq Ispaniya yaxshiroq, tezkorroq va aniqroq edi. Bizda imkoniyat yo‘q edi. Bu qora kun.
Myuller, Boateng va Hummels? Biz o‘z safimizdagi futbolchilarga ishonishimizni aytganmiz va bu borada to‘g‘ri yo‘ldamiz.
Bu o‘yin orqali rivojlanishimiz u qadar tez bo‘lmayotganini ko‘rdik, vaholanki, so‘nggi o‘yinlardan keyin bunga umid bor edi. Biroq biz hali ham bu yigitlarga ishonamiz.
Albatta, menda javob izlashga xohish bor. Bu mening qarzim.
Yoaxim Lyov, Germaniya terma jamoasi bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
