JCh—2022 yo‘lida. Braziliya safarda Urugvayni taslim etdi, Argentinada ham g‘alaba. Keyrushning Kolumbiyasi 6 ta gol o‘tkazib mag‘lub bo‘ldi
Janubiy Amerika mintaqasida futbol bo‘yicha JCh—2022 saralash bahslarining 4-turi 18-noyabr, chorshanba kuni bo‘lib o‘tdi.
Braziliya terma jamoasi Urugvay maydoniga safar qildi. Birinchi bo‘lim oxirlarida Artur va Risharlison tomonidan kiritilgan to‘plar mehmonlarga g‘alaba olib keldi. Uchrashuvning 71-daqiqasida urugvayliklar hujumchisi Edinson Kavani to‘g‘ridan to‘g‘ri qizil kartochkaga loyiq ko‘rildi.
Argentina terma jamoasi esa Peru maydonida mehmon bo‘ldi. Nikolas Gonsales va Lautaro Martinesning gollari argentinaliklarga uch ochko taqdim etdi.
Karlush Keyrush qo‘l ostidagi Kolumbiya terma jamoasi kutilmaganda Ekvadordan yirik hisobdagi mag‘lubiyatni qabul qilib oldi. Xames Rodrigesning urgan goliga mezbonlar oltita to‘p bilan javob qaytardi. Chili esa safarda Venesuelaga qarshi bahs yuritdi va so‘nggi daqiqalarda o‘tkazib yuborilgan gol tufayli mag‘lubiyatga uchradi.
4-turdan keyin musobaqa jadvali quyidagi ko‘rinishni oldi:
JCh—2022 saralashi, Janubiy Amerika
4-tur bahslari
18-noyabr, chorshanba
Urugvay — Braziliya 0:2
Gollar: 0:1 – 34 Artur, 0:2 – 45 Risharlison.Urugvay: Kampanya, Godin, Kaseres, Ximenes, Oliveros, de la Krus (Rodriges, 70), Nandes, Torreyra (Arambarri, 60), Bentankur (Rodriges, 60), Nunyes, Kavani.
Braziliya: Ederson, Tiago Silva, Danilo, Lodi, Markinyos, Artur, Everton Ribeyro (Lukas Paketa, 90), Duglas Luis (Bruno Gimaraes, 90), Gabriel Jezus, Risharlison (Everton, 70), Firmino.
Ogohlantirishlar: Duglas Luis (45), Ximenes (51), Risharlison (59), Nandes (67), Rodriges (76), Kaseres (85), Markinyos (90).
Chetlatish: Kavani (71).
Peru — Argentina 0:2
Gollar: 0:1 – 17 Gonsales, 0:2 – 28 Martines.Peru: Galese, Abram, Santamariya, Korso (Advinkula, 71), Trauko, Yotun (Kalkaterra, 88), Akino (Kartaxena, 88), Karrilyo, Kueva (Ruidias, 81), Flores (Polo, 71), Lapadula.
Argentina: Armani, Montiyel, Otamendi, Martines, Talyafiko, Lo Chelso, Paredes, de Paul (Okampos, 57), Gonsales (Di Mariya, 72), Messi, Martines (Gomes, 89).
Ogohlantirishlar: Akino (29), Trauko (34), Otamendi (60), Lo Chelso (73), Galese (79), Okampos (90).
Ekvador — Kolumbiya 6:1
Gollar: 1:0 – 7 Arboleda, 2:0 – 9 Mena, 3:0 – 32 Estrada, 4:0 – 39 Arreaga, 4:1 – 45, penalti Xames, 5:1 – 78 Plata, 6:1 – 90 Estupinyan.Chetlatish: Plata (80) – Ekvador.
Venesuela — Chili 2:1
Gollar: 1:0 – 9 del Pino Mago, 1:1 – 15 Vidal, 2:1 – 81 Rondon.Paragvay — Boliviya 2:2
Gollar: 1:0 – 19, penalti Romero, 1:1 – 41 Moreno, 1:2 – 45 Sespedes, 2:2 – 72 Romero.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
