AQShda o‘tgan bir sutka ichida koronavirusga chalinganlar soni bo‘yicha rekord ko‘rsatkich qayd etildi. Bu haqda Jons Hopkins universiteti ma’lumotlariga tayanib, “RBK” xabar berdi.
13-noyabr kuni 160 mingdan ortiq kasallanish holati kuzatilgan bo‘lib, butun mamlakatda COVID-19’ga chalinganlar soni 10,7 million kishidan oshgan. Hozirga qadar 244,2 ming bemor koronavirus qurboniga aylangan. AQSh Kasalliklar nazorati va profilaktikasi markazining prognozlariga ko‘ra, dekabr boshiga borib, mamlakatdagi COVID-19 qurbonlari soni 282 ming kishiga yetishi mumkin.
COVID Tracking Project resursi ma’lumotlariga ko‘ra, 13-noyabr kuni AQShda 68 516 kishi koronavirus infeksiyasi tashxisi bilan kasalxonaga yotqizilgan, bu esa infeksiya tarqalishni boshlaganidan buyon qayd etilgan eng yuqori ko‘rsatkich hisoblanadi. Bir hafta ichida shifoxonaga yotqizilganlarning o‘rtacha soni 20,01 foizga oshgan.
AQShda bir kun avval ham sutkalik antirekord qayd etilgan, yangi koronavirusga chalinish bo‘yicha tasdiqlangan holatlar bir kecha-kunduzda pandemiya boshidan buyon rekord daraja — 156 526 nafarni tashkil qilgan edi.
Izoh (0)