Toshkent shahar ichki ishlar boshqarmasi TikTok ijtimoiy tarmog‘ida o‘z akkauntini ochdi, deya xabar bermoqda Spot.

Xabar e’lon qilinayotgan vaqtda 3 ta video va 24 ta obunachi bor edi. Shahar ichki ishlar boshqarmasi birinchilardan bo‘lib Xitoy ijtimoiy tarmog‘iga qo‘shilgan davlat idoralaridan biri bo‘ldi.

Ma’lum qilinishicha, TikTok O‘zbekistondagi eng ko‘p yuklab olingan dastur bo‘lib qolmoqda. Dunyo bo‘ylab dastur auditoriyasi oylik 700 million faol foydalanuvchilarni tashkil qildi va avgustga qadar dastur 2 milliard marta yuklab olingan.

“TikTok auditoriyasi demografik ko‘rsatkichlari bilan ajralib turadi – yoshroq foydalanuvchilar va ko‘proq qizlar. Instagram va Facebook’da esa asosan erkaklar o‘tirishadi”, – deydi marketing bo‘yicha menejer Denis Roman.

Avvalroq asli o‘zbekistonlik bo‘lgan Rossiyaning eng serdaromad tiktokeri Rahim Abramov haqida maqola e’lon qilingandi.