“Vazir onlayn” videokonferensiyasida Madaniyat vaziri va vazirlik xodimlari tomonidan internetda tarqalgan vazirlikka doir xabarlarga oydinlik kiritildi. Shuningdek, vazirlikda kutilayotgan yangiliklar, o‘zgarishlar to‘g‘risida ma’lumotlar berildi. Bu haqda “Kun.uz” xabar qilgan.
Videokonferensiyada Madaniyat vaziri Ozodbek Nazarbekov bosh prokuror ishtirokidagi yig‘ilishda oshkor etilgan vazirlikdagi korrupsion holatlar yuzasidan berilgan savolga ham javob qaytargan.
“Avvalo shuni aytish kerakki, bu hol vazirlik uchun uyatli. Afsuski, men bu voqeadan jinoyat ishi ochilgandan so‘ng xabar topdim. Ya’ni tenderda qatnashmaganman.
Firma vazirlikka namuna tarzida toza grimni ko‘rsatgan. Lekin teatrlarga oddiy mahsulot yetkazilgan. Bizga teatr xodimlari shikoyat qilishganidan so‘ng jinoyat ishi ochildi”, – dedi Ozodbek Nazarbekov.
Mavzuga doir: “Elakni ko‘tarishni o‘zim iltimos qilganman”. Ozodbek Nazarbekov Madaniyat vazirligidagi korrupsion holatlar haqida
U o‘zining jinoiy rejalariga ko‘ra, vazirlik xaridlarini fuqaro K. va uning yaqinlariga tegishli firmalarga berish uchun 26 ming dollar ulush olgan.
Shundan so‘ng vazirlik tizimidagi teatr, madaniyat uylari va boshqa tashkilotlarga zarur grim mahsulotlari uchun tanishi K.ga tegishli firmalarga 2,6 milliard so‘m o‘tkazib berilgan.
O‘z navbatida, bu firmalar grim o‘rniga “O‘rikzor” bozoridan 264 million so‘mga arzon va sifatsiz kosmetika mahsulotlarini sotib olib, uni grim ekanligi haqida soxta hujjatlarni tuzib, vazirlikka topshirgan. Vazirlik esa madaniyat muassasalariga umuman kerak bo‘lmagan bu mahsulotlarni grim sifatida soxta hujjat qilib, ularga yetkazib bergan.
Bosh prokuror mazkur sxemaga ko‘ra, mahsulot narxi hujjatlarda bir necha barobar qimmat ko‘rsatilib, 2,3 milliard so‘m mablag‘ talon-toroj etilganini ma’lum qilgan.
Izoh (0)