Avstriya poytaxtidagi 2-noyabr oqshomida ketma-ket terrorchilik harakatlari yuz berdi. Terrorchilar Venaning olti joyida hujumlar uyushtirdi. Oqibatda uch kishi halok bo‘lgan, kamida 15 kishi tan jarohati olgan.
Birinchi hujum Zaytenshtettengassedagi sinagoga (yahudiylar ibodatxonasi) oldida yuz bergan. Qolgan hujumlar esa shahar markazida -- Morsinplats, Zalsgris, Flyayshmarkt, Bauyernmarkt va Graben ko‘chalarida yuz bergan. Hujum qilganlar bir necha kishi bo‘lgan, ular o‘qotar quroldan foydalangan. Halok bo‘lganlar tasodifiylar o‘tkinchilar edi, yaradorlar orasida politsiyachilar ham bor.
Terrorists still on the run in #Vienna. Map shows the six locations that were targeted in an coordinated attack. Austrian Chancellor says that search ops to eliminate terrorists could take several hours. Causality details also still sketchy. pic.twitter.com/NSSGg9Nr0B
— Aditya Raj Kaul (@AdityaRajKaul) November 2, 2020
Dastlab OAV hodisa oqibatida halok bo‘lganlar soni bo‘yicha boshqacha raqamlar bergandi – kamida yetti kishi halok bo‘lgani ta’kidlangan edi. Biroq politsiya bu ma’lumotlarni tasdiqlamadi. Olgan jarohatlari oqibatida kasalxonada bir ayol va ikki erkak vafot etgan, qolganlar esa turli darajada jarohatlangan.
https://twitter.com/GHG19hr/status/1323344876717703168
Hujum qilganlardan biri politsiya tomonidan otib o‘ldirilgan, qolganlari esa yashirinishga ulgurgan. Politsiya “issiq izi sovumay” to‘rt nafar gumonlanuvchini ushlagan, biroq terrorchilarning bir qismi hali ham ozodlikda ekani aytilmoqda. Avstriya ichki ishlar vaziri Karl Nexammer yangi hujumlar ehtimoli borligidan ogohlantirdi. Uning so‘zlariga ko‘ra, bir necha qonunbuzar hali shahar markazida bo‘lishi mumkin. Shu munosabat bilan Nexammer aholidan ko‘chaga chiqmaslikni so‘radi.
https://twitter.com/SteveLaws_/status/1323366076491640840
Avstriya kansleri Sebastyan Kurs yuz bergan hodisani “dahshatli terakt” deb atadi. “Respublikamiz murakkab bir davrni boshdan kechirmoqda. Xavfsizligimiz yo‘lida, ayniqsa, bugun o‘z jonini xatarga qo‘yayotgan shoshilinch xizmatlarning barcha xodimlariga minnatdorchilik bildirishni istardim. Politsiyamiz ushbu dahshatli terrorchilik hujumi uchun aybdorlarga qarshi qat’iy choralar ko‘radi”, -- dedi u.
Diniy aqidaparastlarning internetdagi harakatlarini kuzatib boruvchi SITE Intelligence Group tahlil portalining xabar berishlaricha, Venada yuz bergan terakt uchun javobgarlikni aynan diniy aqidaparastlar o‘z zimmasiga olgan va ular buni Avstriyaning IShID terrorchilik tashkilotiga qarshi kurash koalitsiyasidagi ishtiroki uchun qasos deb atagan. Avstriya 2014-yili IShIDga qarshi kurash bo‘yicha xalqaro koalitsiyaga qo‘shilgan edi. Avstriyaning koalitsiyadagi ishtiroki harbiy emas, ko‘proq siyosiy mazmunda bo‘lib, mamlakat betaraflik tamoyilini saqlagan holda, asosan diniy ozchilik vakillari, xususan, Iroq va Suriyadagi nasroniy va yazidiylarga insonparvarlik yordami ko‘rsatish bilan shug‘ullanadi.
Avstriyada xavfsizlik choralari kuchaytirilgan, Venadagi bir qator binolarni qo‘riqlashni harbiylar o‘z zimmasiga olgan. Mamlakat chegaralarida nazorat kuchaytirilgan.
Izoh (0)