Bugun,

  • USD 11095.31
  • RUB 173.84
  • EUR 10772.44

Energetika vazirligi avtomobillarga gaz quyish kompressor shoxobchalariga (AGQKSh) gaz yetkazib berish shartlari hozirda ko‘rib chiqilayotganligini ma’lum qildi. Ta’kidlanishicha, 1-noyabrdan boshlab AGQKShning ish tartibiga hozircha hech qanday o‘zgartirish kiritilmagan. Bu haqda vazirlik matbuot xizmati xabar berdi.

Foto: “Daryo”

Foto: “Daryo”

Avvalroq Toshkent shahridagi 54 ta gaz taqsimlash stansiyalarida yangi ish jadvali joriy etilishi va navbatma-navbat (birdaniga emas), har uch kunda bir marta soat 19:00 dan 07:00 ga qadar gaz ta’minotini to‘xtatib turish rejalashtirilgani to‘g‘risida xabar berilgandi.

Ma’lum qilinishicha, ushbu choralar aholi va ijtimoiy soha obyektlarini uzluksiz tabiiy gaz bilan ta’minlashga qaratilgan. Bunga sabab iste’molning yuqori (“pik”) soatlarida yoqilg‘i quyish shoxobchalaridagi gaz iste’moli tufayli bosim kamayib ketadi.

“Hozirgi kunda ushbu cheklovchi choralarni qo‘llash mexanizmi qayta ko‘rib chiqilmoqda va qabul qilingan xulosalar haqida o‘z vaqtida ma’lumot beriladi”, – deyiladi vazirlik xabarida.

Eslatib o‘tamiz, oldinroq Toshkentdagi tadbirkorlar gaz ta’minoti organi xodimlaridan 1-noyabrdan boshlab gaz uzatilishi o‘chirib qo‘yilishi to‘g‘risida ogohlantirish olayotgani ma’lum bo‘lgandi. Energetika vazirligi tabiiy gazdan foydalanishiga doir bu kabi cheklovlarni “zarur chora” deb atagan.

Izoh
Asosiy yangiliklar
Mahalliy
Elektr va gazdan shikoyat qilgan fuqarolarni qamoq bilan “ogohlantirgan” deputat o‘z xohishiga ko‘ra ariza yozdi
Mahalliy
O‘zbekistonda ko‘chmas mulk, avtomototransportni boshqa shaxsga o‘tkazishda davlat boji miqdorlari kamaytirildi
Mahalliy
Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)