Futbol bo‘yicha Italiya A Seriyasining 6-turidan o‘rin olgan 1-noyabr, yakshanba kungi o‘yinlar ortda qoldi.
Jennaro Gattuzo qo‘l ostidagi “Napoli” jamoasi o‘z maydonida “Sassuolo”ni qabul qildi. 59-daqiqada Manuel Lokatelli mehmonlarni hisobda oldinga olib chiqqan bo‘lsa, uchrashuv yakunlanishi arafasida Maksim Lopes jamoasining ikkinchi golini urdi. Shu tariqa neapolliklarning mag‘lubiyatsiz seriyasiga nuqta qo‘yildi. “Yuventus”ga qarshi o‘yindagi texnik mag‘lubiyatni hisobga olmaganda “Napoli” A Seriya joriy mavsumidagi ilk mag‘lubiyatini tan oldi.
“Roma” jamoasi “Fiorentina”ni mehmon qildi. Leonardo Spinatssola va Pedro tomonidan urilgan gollar rimliklarga g‘alaba keltirdi.
Yana bir o‘yin “Sampdoriya” va “Jenoa” jamoalari o‘rtasida kechdi. Genuya derbisida tomonlar murosa yo‘lini tanladi. Ushbu bahsni o‘zbekistonlik hujumchi Eldor Shomurodov jarohat tufayli o‘tkazib yubordi.
A Seriya
6-tur bahslari
1-noyabr, yakshanba
“Napoli” — “Sassuolo” 0:2
Gollar: 0:1 – 59, penalti Lokatelli, 0:2 – 90+5 Lopes.“Roma” — “Fiorentina” 2:0
Gollar: 1:0 – 12 Spinatssola, 2:0 – 70 Pedro.“Sampdoriya” — “Jenoa” 1:1
Gollar: 1:0 – 23 Yankto, 1:1 – 28 Skamakka.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)