Beshinchi marta Tojikiston prezidenti etib saylangan Emomali Rahmon konstitutsiyaga va mamlakat xalqiga sodiqlikka qasamyod qildi, deb xabar bermoqda Asia Plus.
Emomali Rahmonga davlat rahbari ramzlari — shtandart, belgi, birinchi darajali “Sitorai prezidenti Tochikiston” (Tojikiston prezidenti yulduzi) ordeni va prezident guvohnomasi topshirilganidan keyin, u konstitutsiyaga va mamlakat xalqiga sodiqlikka qasamyod qildi.
Shundan so‘ng prezident inauguratsiya marosimi ishtirokchilari qarshisida nutq so‘zlab, Tojikistonni rivojlantirishning asosiy yo‘llari va yo‘nalishlarini belgilab berdi.
Shuningdek, u Tojikiston xalqiga o‘ziga bildirilgan ishonch hamda 11-oktabr kungi prezident saylovlarida bergan ovozlari uchun minnatdorlik bildirdi.
Emomali Rahmonning inauguratsiya marosimi xuddi 2006 va 2013-yildagi kabi, bu yil ham chet davlatlar rahbarlarisiz bo‘lib o‘tdi.
1999-yilda Emomali prezident qasamyodini ikkinchi marta qabul qilayotgan vaqtda marosimda yuqori mansabli xorijlik mehmonlar qatnashgan edi. Unda, xususan, Rossiya prezidenti Vladimir Putin ishtirok etib, nutq ham so‘zlagan edi.
Qasamyoddan so‘ng davlat rahbari korteji poytaxtdagi “Do‘sti” maydoniga yo‘l oldi, u yerda Tojikiston kuch tuzilmalari askar va ofitserlari ishtirokida harbiy parad bo‘lib o‘tadi.
Eslatib o‘tamiz, Emomali Rahmon 11-oktabr kuni bo‘lib o‘tgan respublika rahbarligiga saylovlarda ovozlarning 90,92 foizini to‘plagan edi.
Izoh (0)