Polshada 2020-yil 28-oktabr holatiga ko‘ra, bir sutka davomida koronavirus infeksiyasini yuqtirib olish bilan bog‘liq 18 820 ta yangi holat qayd etildi. Bu haqda TVN24 xabar qilgan.
Ushbu ko‘rsatkich epidemiya boshlanganidan beri hali kuzatilmagan antirekord. Bundan tashqari, mamlakat sog‘liqni saqlash vazirligi koronavirusga chalingan bemorlarning 236 nafari bir sutka ichida vafot etganini xabar qilgan va bu ham yangi antirekord.
Qayd etilishicha, 29 kishi COVID-19 tufayli, 207 nafar bemor esa infeksiya bilan birga kechgan boshqa kasalliklar oqibatida hayotdan ko‘z yumgan.
Sutka davomida koronavirusni aniqlash bo‘yicha 60 600 ta test o‘tkazilgan. Kasalxonalarda 13 931 nafar COVID-19’ga chalingan bemorlar davolanmoqda, ularning 1150 nafari tezkor davolash bo‘limlarida yotibdi. 479 288 kishi karantinga olingan, jami 123 504 nafar bemor kasallikdan tuzalgan (bir sutkada +4267 nafar odam tuzalgan).
Yevropa ittifoqi kengashida COVID-19’ga qarshi kurashda birlashish taklif etilgan. Yevroittifoq a’zolari muloqotlarni kuzatish uchun mobil ilovalarni hamkorlikda ishlatish va test qilish, izolyatsiya va karantin bo‘yicha umumiy qoidalarni ishlab chiqishni kelishib olishi lozim.
Shuningdek, Yevropa ittifoqidagi barcha aholini 2021-yilda vaksinatsiya qilish uchun resurslar yetmaydi. YI kengashi vaksina aholi jonboshiga yetmasligini inobatga olib, hukumatlarni ustuvor ahamiyatga ega maqsadlarni belgilab olishga chaqirgan.
Avval Polshada jiddiy nuqsoni bo‘lsa ham, homilani oldirish taqiqlanganiga qarshi yuzlab aholi norozilik bildirib chiqish qilgani, namoyishchilar yo‘llarni to‘sib qo‘ygani xabar qilingandi. Shuningdek, Polsha prezidenti Anjey Duda koronavirusga chalingani ma’lum bo‘lgan.
Izoh (0)