AOKAning Andijon viloyatidagi mas’uli, viloyat axborot va ommaviy kommunikatsiyalar boshqarmasi boshlig‘i Abdug‘ulom Sultonov vafot etdi. Bu haqda “Daryo” muxbiri Umidjon Mamarasulov xabar berdi.
Ta’kidlanishicha, boshqarma boshlig‘i 2020-yil 26-oktabr kuni vafot etgan. Ammo uning vafoti sababi ochiqlanmagan.
Marhum Abdug‘ulom Sultonov 1953-yil Andijon tumanida tug‘ilgan, 1979-yilda Toshkent davlat universitetining jurnalistika fakultetini tamomlagan. Ish faoliyatini Xo‘jaobod tumanining “Shonli mehnat” gazetasida musahhih sifatida boshlagan.
U 1974-yildan 1994-yilga qadar viloyat hokimligi muassisligidagi “Andijonnoma” (sobiq “Kommunist”) gazetasi musahhihi, muxbiri, mas’ul kotib o‘rinbosari, bo‘lim mudiri, mas’ul kotibi lavozimlarida ishlagan.
1994–2002-yillarda viloyat hokimligi matbuot xizmati masalalari bo‘yicha yetakchi mutaxassisi, ijtimoiy masalalar bo‘yicha kotibiyat bosh mutaxassisi, kotibiyat mudiri vazifalarida ishlagan.
2002-yildan buyon Andijon viloyat matbuot va axborot boshqarmasi boshlig‘i, keyinchalik viloyat axborot va ommaviy kommunikatsiyalar boshqarmasi boshlig‘i sifatida mehnat qilib kelgan.
Izoh (0)