Ko‘kat va pishloq aralshmasidan tayyor bo‘lgan “nachinka”li gumma iste’mol qilingan zahoti og‘izda erishi shubhasiz. Bolalar uchun vitaminlarga boy bo‘lgan yegulikni, albatta, tayyorlab ko‘ring.
Kerakli mahsulotlar:
- Un – 150 gramm;
- Suv – 75 gramm;
- Quruq xamirturush – 0,25 gramm;
- Shovul – 150 gramm;
- Ismaloq – 100 gramm;
- Pishloq (Edam) – 30 gramm;
- O‘simlik yog‘i;
- Tuz va ziravorlar.
Ish kerakli mahsulotlarni ajratib olishdan boshlanadi.
Un, suv, xamirturush va tuz aralashtirilib, o‘rtacha yumshoqlikda xamir qoriladi.
Ko‘katlar mayda to‘g‘raladi, pishloq esa qirg‘ichning yirikroq qismidan o‘tkaziladi. So‘ngra biroz o‘simlik yog‘i, tuz va ziravorlar bilan aralashtiriladi.
Tingan xamir dumaloq shaklda yoyiladi. Kichik aylana shaklga bo‘lib olgandan so‘ng ichiga “nachinka” joylashtiriladi.
Gummalar uzunasiga bug‘doy shaklida o‘rilgandek tugiladi.
Tovada yog‘ qizitiladi va gummalarning tugilgan tomoni qizarguncha qovuriladi.
Keyin boshqa tomonlari ham shu tarzda pishiriladi.
Ikki tomoni ham bir xilda, tik holda qovurib olinadi.
Tayyor bo‘lgan yegulik ko‘katlar bilan bezatiladi.
Yoqimli ishtaha!
Izoh (0)