Toshkent viloyati Zangiota tumanidagi yonma-yon joylashgan uchta uyda chiqqan yong‘in o‘t o‘chiruvchilar tomonidan bartaraf etildi. Bu haqda FVV matbuot xizmati xabar berdi.
Ma’lumotlarga ko‘ra, 20-oktabr soat 07:19 da tumanning “Aloqa” mahalla fuqarolar yig‘ini hududida bir necha daqiqa farqi bilan qo‘shni bo‘lgan uchta uyda ketma-ket yong‘in sodir bo‘lgan.
Voqea joyiga zudlik bilan Toshkent viloyati FVB qutqaruvchilari yetib kelgan.
“Soat 08:05 da yong‘in o‘rab olingan bo‘lsa, 08:33 da to‘liq bartaraf etildi. Yong‘in hodisasi uylarning 400 metr kvadrat qismiga zarar yetkazgan. Yong‘in oqibatida jabrlangan va halok bo‘lgan fuqarolar aniqlanmagan”, — deyiladi xabarda.
Avvalroq poytaxtning Uchtepa tumanidagi savdo majmuasida yirik yong‘in kuzatilgani to‘g‘risida xabar berilgandi.
Mavzuga doir: Bo‘stonliqda yonma-yon joylashgan 7 ta uy yonib ketdi
Izoh (0)