Surxondaryo viloyatida kanalga tushib ketgan Nexia-3’da yong‘in chiqishi oqibatida 4 kishi vafot etdi, deya xabar bermoqda YHXBB.
Ma’lum qilinishicha, 2020-yil 18-oktabr kuni soat 23:00 da Surxondaryo viloyati Angor tumani “Qorabog‘” mahallasi hududidan o‘tuvchi M-39 avtomobil yo‘lining 1433-kilometrida yo‘l-transport hodisasi sodir bo‘ldi.
Qayd etilishicha, 1993-yilda tug‘ilgan haydovchi Nexia-3 mashinasini Samarqand–Termiz yo‘nalishida haydab ketayotib, boshqaruvni yo‘qotishi natijasida yo‘nalishdan chiqib ketgan va yo‘l bo‘ylab oqib o‘tuvchi kanalga tushib ketgan. Natijada avtomobilda yong‘in kelib chiqqan.
Natijada transport vositasi haydovchisi I.I., uning 1993-yilda tug‘ilgan turmush o‘rtog‘i F.A. hamda voyaga yetmagan farzandlari — 2016-yilda tug‘ilgan S.O‘. va 2017-yilda tug‘ilgan S.I. og‘ir darajadagi tan jarohatlari olib voqea joyida vafot etgan.
Mazkur holat yuzasidan 2020-yil 19-oktabr kuni Angor tuman IIB huzuridagi tergov bo‘limi tomonidan Jinoyat kodeksining 266-moddasi 3-qismi “a” (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bandi bilan jinoyat ishi qo‘zg‘atilib, tergov harakatlari olib borilmoqda.
Avvalroq Jizzaxda yoritish chiroqlarisiz harakatlangan Cobalt yuk mashinasiga urilishi oqibatida bir kishi, Farg‘onada avtomobil boshqaruvini yo‘qotib, daraxtga urilgan 16 yoshli haydovchi, Andijonda Damas yuk mashinasiga urilishi oqibatida voyaga yetmagan yo‘lovchi va Chilonzorda avtomobil boshqaruvini yo‘qotib, daraxtga urilgan 21 yoshli haydovchi halok bo‘lgani haqida xabar berilgandi.
Izoh (0)