Moskvada oktabr oyida sanitariya-epidemiologik vaziyat yomonlashgani tufayli jamoat joylarini dezinfeksiya qilish bo‘yicha ishlarni qaytadan boshlanadi. “Interfaks”ning xabar berishicha, bu haqda 16-oktabr kuni poytaxt meri matbuot xizmati tarqatgan ma’lumotda aytilgan.
“Tibbiyot muassasalari binolarining fasadlari, tez tibbiy yordam podstansiyalari, turar joy va jamoat binolari, yerusti transporti to‘xtash joylari va boshqa transport inshootlari, ichimlik suvini tayyorlash va oqava suvlarni tozalash stansiyalari, chiqindilar bilan ishlovchi obyektlar dezinfeksiya qilinishi lozim”, — deyiladi xabarda.
Bundan tashqari, odamlar gavjum joylardagi o‘rindiqlar, tutqichlar, chiqindi qutilari, yerusti va yerosti yo‘llari, kichik arxitektura shakllari, shu jumladan, bolalar va sport maydonchalarida sanitarik ishlov beriladi.
Shuningdek, odamlar ko‘p to‘planadigan joylar — avtovokzallar, temiryo‘l stansiyalari, aeroportlar, metro stansiyalari, jamoat transporti bekatlari yaqinidagi hududlar ham dezinfeksiya qilinishi lozim.
Ayni paytda tibbiyot muassasalari binolari, shuningdek, COVID-19’ga chalingan fuqarolar yashaydigan uylarning kirish joylari muntazam ravishda dezinfeksiya qilinadi.
Mavzuga doir:
Izoh (0)