Buyuk Britaniyaning Nottingem shahrida ko‘cha rassomi Benksi tomonidan chizilgan yangi graffiti paydo bo‘ldi, deya xabar bermoqda “Interfaks”.
Qayd etilishicha, asar muallifligini Benksining o‘zi suratni veb-saytida va Instagram’da joylash orqali tasdiqlagan.
Gap aylana o‘rniga velosiped g‘ildiragini aylantirayotgan qiz tasviri haqida ketmoqda. Graffiti yonida esa bitta g‘ildiragi yetishmayotgan eski velosiped ustunga zanjirlangan.
Mavzuga doir: Benksi O‘rta Yer dengizidagi qochoqlarni qutqarish uchun kema sotib oldi. U ko‘cha rassomining rasmi bilan bezatilgan
Rassom muallifligini tan olgandan so‘ng, Benksining ishini suratga olishni istaganlar devor oldiga yig‘ila boshladi.
Benksi taxallusi bilan tanilgan ko‘cha rassomi 1990-yillarda o‘z tug‘ilgan shahri Bristolda poyezd va devorlarga surat chizishni boshlagan. U butun dunyoga yirik korporatsiyalar ustidan kulishi va siyosiy tusdagi ishlari bilan tanilgan.
Avvalroq Benksi sudda o‘zini oshkor qilmagani uchun eng taniqli asarlaridan birining mualliflik huquqidan mahrum bo‘lgan edi.
Izoh (0)