Dunyo bo‘yicha koronavirus infeksiyasi asoratlari oqibatida vafot etganlar soni 1,1 million kishidan oshdi. Bu haqda kasallanish statistikasini real vaqt rejimida kuzatib borayotgan Jons Hopkins universiteti ma’lumotlarida keltirilgan.
Hozirga qadar butun dunyoda 39 million 68 mingdan ortiq kishida koronavirus aniqlangan bo‘lib, ularning qariyb 27 millioni sog‘aygan (68,9 foizi).
Eng ko‘p o‘lim holatlari AQSh (218 ming kishi), Braziliya (153 ming kishi) va Hindistonda (112 ming kishi) qayd etilgan.
Kasallanish ko‘rsatkichi bo‘yicha AQSh hamon yetakchi bo‘lib turibdi — COVID-19’ni yuqtirib olish bilan bog‘liq 8 milliondan ortiq holat qayd etilgan. Ikkinchi o‘rinda Hindiston (7,3 million bemor), uchinchi o‘rinda esa Braziliya (5,2 million bemor).
Avvalroq Rossiyada birinchi marta sutka davomida koronavirusga chalinganlar soni 15 ming kishidan oshgani to‘g‘risida xabar berilgandi.
O‘zbekiston Sog‘liqni saqlash vazirligining 16-oktabr soat 23:55 dagi ma’lumotlariga ko‘ra, mamlakatda hozirga qadar jami 62 684 kishida COVID-19 aniqlangan bo‘lib, ularning 59 756 nafari sog‘aygan.
Izoh (0)