Milliarder Jeff Bezosga tegishli Blue Origin kompaniyasining New Shepard raketasi Oyga aniq qo‘nishni tekshirish maqsadida NASA tizimi bilan 12 daqiqali parvozni amalga oshirdi. Parvoz Amerika kosmik agentligi saytida translyatsiya qilindi.
Ma’lum qilinishicha, yuk kapsulasiga ega ko‘p marta foydalanishga mo‘ljallangan New Shepard tashuvchisi 106 kilometr balandlikka ko‘tarilgan. Shundan so‘ng kapsula va raketaning ortga qaytuvchi bo‘g‘ini ajralib, alohida-alohida yerga qo‘ngan.
Raketa bo‘g‘inining vertikal qo‘nishi Oyga yuqori darajadagi aniqlikda qo‘nishni amalga oshiradigan tizim namunasining birinchi kompleks test sinoviga aylandi. U navigatsion dopler lidar bilan jihozlangan bo‘lib, bu yuzaga lazer nurlarini yuborib, olingan ma’lumotlarni qayta ishlagan holda kosmik apparatning qo‘nishida zarur bo‘ladigan aniq tezlik va holatni aniqlashga yordam beradi.
https://twitter.com/NASA_Technology/status/1316046059454582785
13-oktabr kuni amalga oshirilgan parvoz New Shepard modeli uchun o‘n uchinchi va aniq bir tashuvchi uchun yettinchi bo‘ldi. New Shepard suborbital parvozlar — turistik va tadqiqotlar uchun mo‘ljallangan. Raketadan AQShning Oy dasturi — “Artemida”ni tekshirish uchun foydalaniladi.
Avvalroq NASA Oyga eltuvchi eng qisqa yo‘lni patentlagani, ayollarning Oy yuzasiga qachon chiqishi to‘g‘risida xabar berilgandi. Shu yilning iyul oyida esa NASA va Yaponiya AQShning Oyni zabt etish borasidagi “Artemida” dasturi bo‘yicha hamkorlikda ishlash to‘g‘risidagi kelishuvni imzolagan.
Izoh (0)